Нясвіжскія навіны Усё далей ад нас рэха Вялікай Айчыннай вайны. Суровы напамін аб тым жудасным ліхалецці ̶ помнікі, абеліскі, мемарыялы, брацкія магілы, што есць літаральна ў кожным куточку Беларусі. Яны ̶ маўклівыя сведкі жыцця, слаўнага подзвігу і трагічнай гібелі нашых суайчыннікаў.
З вялікай павагай і клопатам грамадства нашай краіны ставіцца да гістарычнай памяці. Прытрымліваюцца гэтай традыцыі і ратавальнікі Нясвіжскага раённага аддзела па надзвычайных сітуацыях. Так, у рамках мерапрыемстваў, прысвечаных 80-годдзю вызвалення Беларусі і Перамогі ў Вялікай айчыннай вайне, прадстаўнікі службы ратавання добраўпарадкавалі помнік ахвярам генацыду, што размешчаны на вуліцы Сноўскай у Нясвіжы.
«Гэтае месца – не проста помнік, гэта напамін аб жудасных падзеях самай страшнай вайны чалавецтва, сімвал 1200 ахвяр генацыду, жыццё якіх зверскі абарвалася ў кастрычніку 1942 года. Аб гэтым мы павінны памятаць заўжды, перадаваць гэтую памяць нашым нашчадкам і, безумоўна, клапаціцца аб належным стане такіх гістарычных аб’ектаў. Сенняшняя акцыя для нас ̶ ужо традыцыйная. Штогод работнікі аддзела па надзвычайных сітуацыях забяспечваюць добраўпарадкаванне гэтага месца. Гэта, безумоўна, праяўленне клопату і дань павагі слаўнаму подзвігу вызваленцаў нашай Радзімы», ̶ дае каментарый начальнік аддзела Максім Балацяны.
