Нясвіжскія навіны Сёння ў 15.15 у канферэнц-зале Нясвіжскай цэнтральнай раённай бібліятэкі імя Паўлюка Пранузы ў межах сумеснага праекта “Узыходжанне” бібліятэкі і Слуцкай епархіі Беларускай Праваслаўнай Царквы адбудзецца канферэнцыя “Навуковая праблема, пакаранне, або Нагода для малітвы” для бацькоў дзяцей з расстройствамі аўтыс- тычнага спектра, педагогаў раёна і ўсіх, каго цікавіць акрэсленая тэма.
Свой погляд на духоўны аспект праблемы выкажа саарганізатар канферэнцыі, духаўнік сінадальнага аддзела па справах моладзі Беларус- кай Праваслаўнай Царквы, настаяцель прыхода храма Святой Жываначальнай Троіцы аг. Салтанаўшчына протаіерэй Алег Абрамовіч.
Падчас канферэнцыі будзе прадстаўлены вопыт работы Цэнт-ра падтрымкі дяцей з аўтызмам (г. Мінск), з якім пазнаёміць яго заснавальнік, загадчык аддзела па вучэбна-метадычнай рабоце Цэнтра, псіхолаг Алег Трафімовіч. Асаблівы акцэнт Алег Аляксандравіч зробіць на тэме “Работа з непажаданымі формамі паводзін у дзяцей, на развіццё якіх паўплываў аўтызм”, адкажа на пытанні ўдзельнікаў канферэнцыі.
Мерапрыемства ладзіцца сумесна з упраўленнем па адукацыі, спорце і турызме Нясвіжскага раённага выканаўчага камітэта, цэнтрам карэкцыйна-развіваючага навучання і рэабілітацыі Нясвіжскага раёна і прымеркавана да Cусветнага дня распаўсюджвання інфармацыі аб праблеме аўтызму.
Інфармацыю можна ўдакладніць па тэлефонах: 2-56-43, +375-29-787-75-24 (МТС).
