Нясвіжскія навіны У райкаме прафсаюза работнікаў АПК раённай газеце
далі інфармацыю аб удзельніках
уборачнай кампаніі Нясвіжчыны,
якія дасягнулі высокіх
паказчыкаў на ўборцы кукурузы на зерне.
Камбайнер СВК “Агракамбінат Сноў”
Аляксандр Грынаш намалаціў 5940 тон зерня кукурузы
На перавозцы зерня кукурузы
лепшы паказчык — 3485 тон —
у снаўчаніна Руслана Гадуна
Так, па стане на 3 кастрычніка найбольшы намалот захоўвае за сабой камбайнер СВК “Агракамбінат Сноў” Аляксандр Грынаш. На “Лексіёне-580” ён убраў 471 гектар кукурузы, намалаціў 5940 тон зерня. За ім ідзе Сяргей Вайняк з гэтай жа гаспадаркі. На яго рахунку — 324 га і 4249 тон. У Вадзіма Рацкевіча — 228 га і 4243 тоны. Чацвёртае і пятае месцы таксама за снаўчанамі — Іванам Віжыкам і Сяргеем Гаргуном. Іх намалот складае адпаведна 3476 і 3375 тон.
2777 тон зерня кукурузы — такі здабытак камбайнера ААТ “17 Верасня” Мікалая Андросіка, 2608 т — Дзмітрыя Клаўсюка з гэтай гаспадаркі. Намалот болей чым 2 тысячы тон таксама ў Віталя Гілейшы са “Снова”, Арцёма Карпача з ААТ “Лань-Нясвіж”, Дзмітрыя Казака з ЗАТ “1 Мая”, Віктара Карачуна з ААТ “НОВАЕ ЖЫЦЦЁ”. Амаль дзве тысячы тон — у Васіля Шарапы з ААТ “НОВАЕ ЖЫЦЦЁ”. Далёка за тысячу тон — у Мікалая Сідарцова з ААТ “17 Верасня”, Аляксандра Платуна з ДП “ЭБ “Свеклавічная”, Юрыя Мануліка з ААТ “Нясвіжскія Астроўкі”, Сяргея Пражэніка з ЗАТ “Агракамбінат Нясвіжскі”, Міхаіла Крычко з ААТ “Нясвіжскі райаграсэрвіс”.
Усяго намалот кукурузы ад 1000 тон да 5940 тон — у 23 камбайнераў раёна.
Сярод вадзіцеляў на адвозцы бурштынавага зерня ад камбайнаў на збожжаток першае месца заняў Руслан Гадун з “Агракамбіната Сноў”. На яго рахунку — 3485 тон. 3013 тон зерня перавёз Яўген Чабатарэнка з гэтай жа гаспадаркі. Гэта два трохтысячнікі ў раёне. З 2919 тонамі снаўчанін Алег Віннічак стаў трэцім прызёрам. Болей, чым па 2,5 тысячы тон кукурузы перавезлі снаўчане Аляксей Валачай і Віктар Пячкоўскі. Яшчэ 12 вадзіцеляў даставілі ад 1000 да 1989 тон залатога ўраджаю восені.
На 3 кастрычніка адведзеная на зерне кукуруза была абмалочана ў “Агракамбінаце Сноў”, ААТ “Грыцкевічы” і “Эксперыментальнай базе “Свеклавічная”. 98% плошчы — у “17 Верасня”, 95% — у ААТ “Сейлавічы”. Некаторыя камбайнеры пайшлі дапамагаць убіраць “царыцу палёў” у суседнія гаспадаркі.
У цэлым па раёне кукуруза на зерне была абмалочана на плошчы 4177 гектараў — 83%. Сярэдняя ўраджайнасць склала 119 ц/га. У т.л. у СВК “Агракамбінат Сноў” — 150 ц/га, ААТ “НОВАЕ ЖЫЦЦЁ” — 125, ААТ “Грыцкевічы” — 121 ц/га. Валавы збор дасягнуў амаль 50 тысяч тон. “Залатое” жніво працягваецца.
Акрамя дасушвання зерня, яго назапаш- ваюць і метадам плюшчэння. Пры такой тэхналогіі закладзена амаль 17,8 тысячы тон.
Тамара ПРАЛЬ-ГУЛЬ.
Фота Ганны КІСЕЛЬ.
