Нясвіжскія навіны Заканчваецца лета і хутка дзеці пойдуць у школу. 1 верасня для ўсіх рабят будзе асаблівым днём. Самым запамінальным ён стане для першакласнікаў і іх бацькоў. А ўрачысты настрой у такі дзень на свяце першага званка заўсёды надаюць белыя банты, букеты кветак і моднае школьнае адзенне.
Як праходзіць падрыхтоўка да навучальнага года? Што прапануюць юным пакупнікам беларускія вытворцы? Як, наведаўшы магазіны і кірмашы, не толькі падкрэсліць сваю індывідуальнасць, але і бліснуць моднай фантазіяй? Паспрабуем адказаць на гэтыя пытанні сёння.
Некаторыя бацькі школьнікаў, як звычайна, аддаюць перавагу кірмашам у пошуках патрэбных рэчаў да навучальнага года, дзе ў апошнія выхадныя сапраўды заўважаеш асаблівую атмасферу падрыхтоўкі да школы. Тут шырокі выбар ранцаў, канцылярскіх тавараў, вучэбных дапаможнікаў. Ёсць адзенне, абутак, спартыўныя касцюмы. Усё гэта прапаноўваюць прадпрымальнікі, якія, калі трэба, даюць і слушную параду.
А вось што прадстаўляюць для юных моднікаў гандлёвыя кропкі нашага горада ў гэтым сезоне, мы даведаліся ў фірменных магазінах №27 ОАО “Світанак” і “Марк Фармэль”.
— Сёння бацькі зацікаўлены якасцю тавараў для дзяцей, таму асартымент, што мы прапаноўваем пакупніку, адпавядае ўсім патрабаванням тэхнічных заданняў, што прад’яўляюцца да адзення, якое ў нас розных фасонаў, мадэляў і расфарбовак, — расказвае загадчык фірменнага магазіна №27 ОАО “Світанак” Наталля Насевіч. — Шырокі выбар джэмпераў, куртак і камізэлек розных колераў для хлопчыкаў усіх узроставых груп. Кошт і якасць задавальняюць пакупнікоў. Напрыклад, “фішка” вобраза школьніка — камізэлька (блакітнага, сіняга, бардовага, шэрага колераў) — 27 рублёў 92 капейкі, у склад тканіны ўвахо- дзяць 95 працэнтаў бавоўны і 5 — спандэксу. Штаны — ад 32 да 38 памераў каштуюць 36,13 рубля (у складзе тканіны — 52% бавоўны, 43 — поліэфіру, і 5 — спандэксу). Прыкладна такі ж склад тканіны і ў сукенках для дзяўчат ( кошт 71,77 рубля), а таксама навінках гэтага года — сарафанах, коштам 49,41 рубля.
Вядома, рэчы, якімі дзеці карыстаюцца штодзень у навучальнай установе, часта мыюцца на працягу года, таму яны не толькі гіграскапічныя і паветрапранікальныя, але і з дабаўленнем ніткі, якая не дазволіць адзенню губляць акуратнага выгляду.
Прапануе “Світанак” курткі для дзяўчат цёмна-сіняга колеру на замку, штаны чорныя і ў клетку, класічныя прамыя і модныя шырокія.
Добрым попытам карыстаюцца джэмперы (гольфікі), якія ў нас прадстаўлены самымі разнастайнымі колерамі, ёсць нават з сімвалічным надпісам “верасень”. Набываюць іх па некалькі адзінак, бо дзякуючы гэтаму, дзяўчаткі змогуць мяняць свой вобраз у залежнасці ад настрою або надвор’я.
Падабаюцца юным пакупнікам і спартыўныя касцюмы беларускай вытворчасці. Загадзя бацькі купляюць тэрмабялізну для дзяцей, карыстаюцца добрым попытам белыя футболкі па 10,89 рубля, якія звычайна выбіраюць з запасам.
Штодзень у магазіне “Світанак” дзейнічае сістэма зніжак на канкрэтны від тавараў ад 10 да 35 працэнтаў, што, вядома, радуе пакупнікоў.
Мадэлі адзення для школы, якія можна камплектаваць паміж сабой, прапаноўвае і магазін “Марк Фар- мэль”. Яны выкананы ў спакойных і нейтральных колерах і прызначаны як для хлопчыкаў, так і для дзяўчынак.
— Усе мадэлі зроблены з акцэнтам на дзелавы стыль, — расказвае адміністратар магазіна “Марк Фармэль” Юлія Белаева. — Вытворцы распрацавалі адразу некалькі варыянтаў. Варыянт верху для хлопчыкаў бліжэй да класічнага — футболкі і рубашкі, як з кароткім, так і з доўгім рукавом — увесь памерны рад, камізэлькі сінія, чорныя, цёмна-шэрыя і ў клетку (94% бавоўны і 6% эластану) па 34,99 рубля, сярод навінак гэтага года для хлопчыкаў — жакет на гузіках і джэмпер (сіняга і чорнага колеру). Добрым попытам карыстаецца кашуля “пола” для дзяўчат — кошт навінкі ад 19,99 да 24,99 рубля. Многія выбіраюць джэмпер, так званую “абманку” за 49,99 рубля, які ёсць у магазіне да росту 170 см. Колеры джэмпера класічныя — чорны і сіні з белым каўнерам і рукавом.
Ёсць спадніцы на розны густ і сукенкі для школьніц чорнага класічнага колеру і адцення нэві (колер марской глыбіні) — рост ад 122 да 164 сантыметраў і коштам 44,99 рубля. Набываюць для школьнікаў штаны — колераў нэві, чорнага, елачка на чорна-шэрым, шэрая клетка на цёмна-сінім і г.д. (у складзе тканіны — 87% — бавоўна, 10% — поліэфір і 3% — эластан).
Да класічнага стылю дзелавога касцюма ў магазіне можна набыць гальштук-бабачку і звычайны гальштук, гольфікі і шкарпэткі ад 2,89 рубля. Прама на касе прапануюць футляры для школьнікаў з наборам канцтавараў коштам 29,99.
Дарэчы, на гэтым тыдні паліцы “Марк Фармэль” папоўніліся новымі мадэлямі спартыўных камплектаў — худзі і штаны, джэмпер і штаны, коштам ад 49,99 да 69,99 рубля.
Гандлёвыя кропкі Нясвіжа прапануюць тавар, які разлічаны на рознага спажыўца. Вядома, кошт рэчаў для першакласнікаў і падлеткаў розны, але выбар разнастайны і дастатковы.
У любым выпадку прадстаўнікі гандлёвых кропак спадзяюцца, што тавары іх магазінаў задаволяць патрэбы самых строгіх пакупнікоў, а мадэлі новага моднага школьнага адзення не толькі парадуюць, але і сагрэюць юных гаспадароў у зімовыя месяцы і ў час міжсезоння.
Абутак “Марко” да адзення дзелавога стылю можна набыць у фірменным магазіне з адпаведнай назвай. З 16 ліпеня тут ладзіцца акцыя “Школьная калекцыя на дзясятачку!”, у рамках якой працуюць зніжкі на школьны абутак для дзяўчынак і хлопчыкаў. У гандлё- вай кропцы таксама прадстаўлены і навінкі — усяго больш за шэсць- дзясят мадэляў абутку.
Спартыўны абутак Лідскай абутковай фабрыкі ад 35 да 41 памераў, сшыткі школьныя ў клетку і лінейку, ручкі і алоўкі, пластылін, гуаш і фламастары, лінейкі і транспарціры, партфелі, контурныя карты, рабочыя сшыткі на друкаванай аснове, пеналы і папкі для сшыткаў, дзённікі для навучэнцаў старэйшых класаў, вокладкі для падручнікаў і іншае можна набыць у Нясвіжы ў магазіне “Кнігі”, які размешчаны ў будынку гарадской ратушы.
Восень уступае ў свае правы і застаецца тыдзень да школы — час завяршыць школьны “шопінг”. Вас чакаюць у магазінах!
Іна ВАСІЛЕВІЧ.
