Ирина ЕФИШОВА Сёння ў аграгарадку Высокая Ліпа адбылося галоўнае сельскагаспадарчае свята года — раённыя Дажынкі.
Ужо ў дзве гадзіны апоўдні аграгарадок пачаў поўніцца гасцямі, дэлегацыямі ўдзельнікаў. Пачалося ўрачыстае мерапрыемства з ускладання кветак да Вечнага Агню — ў знак ушанавання памяці тых, дзякуючы каму мы жывём на гэтай зямлі.
Адметнасцю мерапрыемства стала ўрачыстае адкрыццё новага шасцікватэрнага дома. Шэсць маладых сем’яў, працуючых у ААТ “17 Верасня” атрымалі ключы ад новага жылля з рук кіраўніка гаспадаркі.
Свята працягнулася святочным шэсцем у суправаджэнні духавога аркестру. Асаблівую ўрачыстасць мерапрыемству надавалі каментарыі дыктара. Уявіце сабе: калоны ўдзельнікаў урачыста праходзяць, а ў гэты момант агучваецца інфармацыя аб іх асноўных вытворчых паказчыках і дасягненнях.
Адным з асноўных абрадавых атрыбутаў дажынак лічыўся апошні дажыначны сноп. Прысутнічаў ён і сёння — вялікі, прыгожы, пераможны, ён стаў сапраўдным упрыгожаннем свята. У ім заключаны сімвал клопату кожнага руплівага працаўніка Нясвіжчыны.
Апошні дажыначны сноп трымаў у сваіх працавітых руках пераможца жніва гэтага года Хвіцько Вячаслаў Канстанцінавіч – камбайнер ААТ “Сейлавічы”. Ганаровы госць свята — дажыначны каравай з мукі новага ўраджаю.
14 гаспадарак раёна плённа працавалі напрацягу уборачнай кампаніі. Кожная ўнесла значны ўнёсак у пераможны каравай Нясвіжчыны. І сёння яны — галоўныя героі жніва. Першымі адкрывалі шэсце гаспадары дажынак —руплівыя працаўнікі ААТ “17 Верасня”. Завяршылі ўрачыстую калону калектывы самадзейнасці Нясвіжчыны.
На ўрачыстым мерапрыемстве прысутнічалі і ганаровыя госці — Васіль Васільевіч Сысоеў — першы намеснік старшыні Мінскага абласнога выканаўчага камітэта, Мікалай Уладзіміравіч Лешык — начальнік галоўнага упраўлення раслінаводства Міністэрства сельскай гаспадаркі і харчавання
Рэспублікі Беларусь, Аксана Уладзіміраўна Бельская — старшыня Мінскай абласной прафсаюзнай арганізацыі беларускага прафсаюза работнікаў аграпрамысловага комплекса, Алена Васільеўна Жураўлёва — член Савета Рэспублікі Нацыянальнага сходу Рэспублікі Беларусь, Сяргей Міхайлавіч Пілішчык — старшыня Капыльскага раённага выканаўчага камітэта, Дзяніс Сяргеевіч Колесень — старшыня Стаўбцоўскага раённага выканаўчага камітэта, Фёдар Іванавіч Прывалаў — дырэктар цэнтральнага Батанічнага сада, Мікалай Міхайлавіч Іванчанка — ганаровы грамядзін Мінскай вобласці, Мікалай Аляксандравіч Салавей — ганаровы грамадзянін горада Нясвіжа.
Афіцыйная частка мерапрыемства таксама пачалася з выключна беларускай традыцыі. Апошні дажыначны сноп і каравай з мукі новага ураджаю святочна ўручылі старшыні Нясвіжскага раённага выканаўчага камітэта Аляксандру Зіноўевічу Ломскаму.
Ганаровыя граматы Мінскага абласнога выканаўчага камітэта атрымалі Л.І. Пятрэнка, начальнік сельскагаспадарчага ўчастка ААТ “НОВАЕ ЖЫЦЦЁ”, В.В. Пячкоўскі, вадзіцель СВК “Агракамбінат Сноў”, Ю.В. Андрэйчук, галоўны аграном ААТ “Сейлавічы”.
Падзяку старшыні Мінаблвыканкама В.В. Сысоеў уручыў А.У. Рудко, трактарысту-машыністу ААТ “Нясвіжскі райаграсэрвіс”, В.У. Кургану, вадзіцелю ААТ “Нясвіжскія Астроўкі”, Ю.В. Наполеву, трактарысту-машыністу ААТ “Грыцкевічы”.
Ганаровай граматай камітэта па сельскай гаспадарцы і харчаванні Мінаблвыканкама ўзнагародзілі А.І. Антончыка, галоўнага агранома ААТ “17 Верасня”, У.У. Траяна, вадзіцеля ААТ “Лань-Нясвіж”, Я.В. Саліту, галоўнага агранома “ЭБ “Свеклавічная”, Я.В. Кораба, трактарыста-машыніста ААТ “НОВАЕ ЖЫЦЦЁ”, Дз.М. Казака, трактарыста-машыніста ЗАТ “1 Мая”, А.А. Гурбана, трактарыста-машыніста ААТ “Юшавічы”, Дз.У. Гайцюкевіча, аграхіміка ААТ “Грыцкевічы”, Я.В. Царыкевіча, вадзіцеля ААТ “Сейлавічы”.
Ганаровай Граматай Міністэрства сельскай гаспадаркі і харчавання Рэспублікі Беларусь былі ўзнагароджаны М.А. Парэйка, вадзіцель ААТ “НОВАЕ ЖЫЦЦЁ”, С.У. Вайняк, трактарыст-машыніст СВК “Агракамбінат Сноў”, Р.Ю. Ратомскі, загадчык гаражоў ААТ “17 Верасня”, А.С. Каспер, дырэктар ААТ “Сейлавічы”.
Падзякай Міністра сельскай гаспадаркі і харчавання Рэспублікі Беларусь — І.Т. Гардзіевіч, трактарыст-машыніст ААТ “Нясвіжскі райаграсэрвіс”, Г.Я Капач, трактарыст-машыніст ААТ “Лань-Нясвіж”, Ю.А. Любко, вадзіцель ААТ “Юшавічы”, І.І. Лугоўскі, трактарыст-машыніст ААТ “Нясвіжскія Астроўкі”.
Пераможцамі раённага спаборніцтва за дасягненне высокіх вытворчых паказчыкаў на ўборцы збожжавых і зернебабовых культур і лепшых паказчыкаў у развіцці аграпрамысловага комплексу сярод сельскагаспадарчых арганізацый сталі ААТ “Грыцкевічы” (1 месца), СВК “Агракамбінат Сноў” (2 месца), ААТ “Сейлавічы” (3 месца).
Падчас Дажынак былі таксама падведзены вынікі конкурсу саламяных фігур і конкурсу на лепшы каравай.
Завяршылася афіцыйная частка мерапрыемства ўрачыстай перадачай дажыначнага снапа: кіраўнік ААТ “17 Верасня” А.Ю. Шастапёраў перадаў эстафету В.У. Худніцкаму, кіраўніку ААТ “НОВАЕ ЖЫЦЦЁ”.
Усе падрабязнасці чытайце ў бліжэйшым нумары “НН”.
