Нясвіжскія навіны Набліжаецца тэрмін чарговага завяршэння паўнамоцтваў дэпутатаў мясцовых Саветаў дэпутатаў.
У сувязі з гэтым мы папрасілі расказаць аб сваёй дэпутацкай дзейнасці дэпутата раённага Савета дэпутатаў, дырэктара ААТ “Нясвіжскія Астроўкі” Васіля Халопіцу.
— Сваю дэпутацкую дзейнасць я арганізоўваю і право- джу ў адпаведнасці з Законамі Рэспублікі Беларусь “Аб мясцовым кіраванні і самакіраванні ў Рэспубліцы Беларусь” і “Аб статусе дэпутата мясцовага Савета дэпутатаў”, — адразу адзначыў Васіль Мікалаевіч. — Яна ўключае ў сябе ўдзел у сесіях раённага Савета дэпутатаў, у сацыяльна-значных і грамадска-палітычных мерапрыемствах, работу са зваротамі грамадзян жыхароў акругі.
Наша насельніцтва часцей за ўсё звяртаецца па такіх пытаннях, як рамонты дарог, пад’язных шляхоў да розных аб’ектаў, добраўпарадкаванне месцаў адпачынку для маці з дзецьмі. Мы імкнемся ў гэтых пытаннях ісці насустрач. У Астроўках была ўладкавана дзіцячая пляцоўка з добрым наборам абсталявання для гульняў і трэнажорамі для дзяцей больш старэйшага ўзросту, валейбольная пляцоўка. У скверы добраўпарадкаваны дарожкі, пастаўлены лавачкі, вельмі прыемна глядзець, як людзі карыстаюцца ўсім гэтым, асабліва пажылыя. Вельмі зручна пасядзець у цянёчку, пагутарыць са знаёмымі. Відаць, што ўсё, зробленае для нашых працаўнікоў і ветэранаў працы, запатрабавана імі.
Бывае, звяртаюцца з просьбамі дапамагчы з якімі-не- будзь работамі на прысядзібным участку, вывезці смецце і гэтак далей. Заўсёды стараюся адклікнуцца.
Афіцыйна я вяду прыём як дэпутат
кожную суботу
ў адміністрацыйным будынку ААТ “Нясвіжскія Астроўкі” ў сваім
кабінеце, але чалавек можа падысці
да мяне са сваім
пытаннем і ў любы
працоўны дзень,
я ніколі не адмоўлю
яму ва ўвазе.
За месяц бывае
ў сярэднім два-тры
звароты.
Можна вылучыць асобна і такое важнае пытанне, як добраўпарадкаванне месцаў пахаванняў. Гэтую тэму мае землякі таксама часта ўздымаюць, і яна, безумоўна, вельмі важная, бо гэта паказчык нашай культуры, наша памяць. На тэрыторыі нашай гаспадаркі знаходзяцца могілкі ў вёсках Малінаўка, Астроўкі, Макашы, Прасці. Людзі просяць дапамагчы пакасіць, прыбраць хмызняк. Мы ідзём насустрач. У Малінаўцы, напрыклад, была праведзена ўборка драўняна- хмызняковай расліннасці з яе наступнай хімічнай праполкай. Вядома, што высекшы адзін раз хмызняк, ты ад яго не пазбавішся назаўсёды. Патрэбна хімічная апрацоўка мінімум раз на два гады, каб вынік быў ўстойлівы, што мы і робім.
Сярод пытанняў,
з якімі да мяне
звяртаюцца, можа,
і не так шмат сапраўды складаных і глабальных, але трэба памятаць,
што для кожнага
чалавека яго пытанне вельмі важнае, таму
што тычыцца яго,
асобна ўзятага, жыцця.
Таму я стараюся аднолькава сур’ёзна ставіцца да ўсіх зваротаў, якія да мяне паступаюць, таму што нашы людзі ў большасці сваёй — добрасумленныя працаўнікі і вартыя ўважлівага і чалавечнага стаўлення да іх праблем.
Запісала Соф’я ЛЮБАНЕЦ.
