Нясвіжскія навіны Галіна РЫБАЛТОЎСКАЯ, галоўны заатэхнік ААТ “Нясвіжскія Астроўкі”:
— Два гады таму мы актыўна абмяркоўвалі змяненні і дапаўненні ў Канстытуцыю Рэспублікі Беларусь. У прыватнасці, у главу пра выбарчую сістэму. Вызначыліся, што выбары дэпутатаў усіх узроўняў будзем праводзіць у адзіны дзень галасавання ў апошнюю нядзелю лютага.
І вось Канстытуцыя абноўлена, беларусы прынялі яе на рэферэндуме. Сфарміравана нарматыўна-прававая база. І зараз мы ўвайшлі ў электаральную кампанію, будзем выбіраць дэпутатаў у Нацыянальны сход Рэспублікі Беларусь, у абласны, раённы, пасялковы і сельскія Саветы. Мы, выбаршчыкі, вызначаем, каго хочам там бачыць, у кім упэўнены, каму давяраем, ведаем, што наш пасланнік сумее справіцца з праблемамі, вырашыць нейкія пытанні, што ён вядомы і як прафесіянал у сваёй справе, і як чалавек. Дзелавыя і чалавечыя якасці ацэньваем абавязкова. Каб умеў працаваць з людзьмі, ішоў да іх, умеў выслухаць і прыняць разумныя далейшыя захады. Дэпутат — гэта звяно паміж народам і выканаўчай уладай. І, галоўнае, гэтыя людзі павінны праводзіць дзяржаўную палітыку, адстойваць незалежнасць дзяржавы, яе стабільнае развіццё, сацыяльную справядлівасць. Нам трэба захаваць сваю прыгожую краіну, грамадства, сябе.
Выбаршчыкі даюць кандыдатам у дэпутаты, дэпутатам свае наказы, агучваюць пажаданні. І атрымліваецца, што мы ўсе разам развіваем сваю краіну, удзельнічаем у яе жыцці. Вось гэтак жа нам усім абавязкова трэба прыйсці на свае выбарчыя ўчасткі і прагаласаваць. Актыўны ўдзел у выбарчай кампаніі прадэманструе нашу высокую свядомасць, палітычную сталасць, зацікаўленасць кожнага ў лёсе краіны, а ад яго, згадзіцеся, залежыць лёс любога асобна ўзятага грама- дзяніна. Не трэба быць пасіўным, абыякавым. Дружна паўдзельнічаем у адзіным дні галасавання 25 лютага!
Запісала Тамара ПРАЛЬ-ГУЛЬ.
