Зноў — трупы бежанцаў ля заходняй граніцы на беларускай тэрыторыі.

Наёмнікі ў форме краін — нашых суседак перакідваюць іх праз веснічкі ў агароджы, прызначаныя для пераходу звяроў.

Якая бесчалавечнасць!

21 кастрычніка. Каля веснічак у латвійскай агароджы беларускія пагранічнікі ўбачылі жанчыну афрыканскай знешнасці, яна была без прытомнасці, памерла да прыезду медыкаў. 23 кастрычніка. Зноў каля латвійскай граніцы знойдзены целы жанчыны і мужчыны. На месца былі выкліканы медыкі, якія пацвердзілі смерць бежанцаў. Аб гэтым паведаміла прэс-служба Дзяржпагранкамітэту Рэспублікі Беларусь.

Бежанцаў на тым баку граніцы жорстка збіваюць, не аказваюць ім ніякай дапамогі, сілком дастаўляюць да агароджы і прымушаюць пераносіць аслабленых або памерлых людзей на нашу тэрыторыю. З пачатку гэтага года на мяжы толькі з Латвіяй загінулі 10 грамадзян іншых дзяржаў. А ўсяго, уключаючы мяжу Літвы і Польшчы, — ужо 23 чалавекі. Краіны Еўрасаюза наперагонкі дэманструюць свае антыгуманныя злачынныя дзеянні.

І ў той жа час Міжнародны Чырвоны Крыж у Жэневе патрабаваў вызваліць ад пасады генеральнага сакратара Беларускага Таварыства Чырвонага Крыжа Дзмітрыя Шаўцова. За тое, што ён дапамагаў бежанцам з Афрыкі і Бліжняга Усходу на граніцы Беларусі, калі яны хацелі трапіць у “цывілізаваную” Еўропу, каб злучыцца са сваімі сем’ямі, або таму, што іх туды паклікалі, разбурыўшы папярэдне іх дамы ў Сірыі, Іраку, Лівіі, давёўшы да галечы, а еўрапейцы іх не пускалі. За тое, што ён вазіў гуманітарную дапамогу дзецям Данбаса, якія з 2014 года знаходзяцца пад снарадамі неанацысцкага кіеўскага рэжыму, якія не ведаюць, што такое мірнае жыццё, і зрабілі толькі глыток яго, калі прыехалі на адпачынак і аздараўленне ў нашу спакойную Беларусь.

Зразумела, што беларусы зноў выбралі Дзмітрыя Шаўцова кіраўніком нашай рэспуб- ліканскай гуманітарнай арганізацыі.

Але што атрымліваецца? Па іх, еўрапейцаў і штатаўцаў, разуменні рабіць дабро, праяўляць гуманнасць, чалавечнасць — гэта злачынства. А раніць, збіваць, забіваць дзяцей і дарослых — гэта, па-іхняму, добра, правільна, бо да іх хочуць трапіць людзі іншай нацыянальнасці, іншай цывілізацыі. Іх шляхецкі і фашысцкі (хацела напісаць “арыйскі”, але так будзе правільней) гонар не можа перанесці прысутнасць побач з сабой гэтых няшчасных людзей.

Разам з тым, у Польшчы незаконна прадавалі бежанцам візы за вялікія грошы. Якая двуруш- насць і двайныя стандарты!

Чалавеканенавісніцкая сутнасць палітычнай вярхушкі краін — нашых заходніх суседак сёння нічым не адрозніваецца ад палітыкі Пілсудскага і Гітлера ў ХХ стагоддзі. Расізм, нацызм, фашызм… Здзекі, забойствы, расстрэлы, спальванне людзей жывымі… Тыя — архітэктары канцлагераў у Картуз-Бярозе, Калдычэве, Трасцянцы, у Дахау, Бухенвальдзе, Асвенцыме, Маўтхаўзене… А сённяшнія кіраўнікі Польшчы і Балтыі — іх паслядоўнікі.

І маўчаць пра гэтыя злачынствы на граніцах высокія еўрапейскія чыны і іх міжнародныя арганізацыі.

…А 25 кастрычніка прыйшло паведамленне пра новы акт здзекаў. Польскія пагранічнікі пераламалі ногі, пакалечылі двух замежных мігрантаў, выхадцаў з Афганістана і Бангладэш. Як потым мужчыны расказалі, у адказ на просьбу аб дапамозе іх збілі, распылілі ў вочы газ, адвезі да агароджы на граніцы і выкінулі на тэрыторыю Беларусі. Тут, у Пружанскім раёне, іх і выявілі беларускія пагранічнікі. Пазней у бальніцы адзін з пацярпелых сказаў пра такую абуральную сітуацыю з боку нашых суседзяў: “Польшча пакалечыла — Беларусь лечыць”.