Нясвіжскія навіны Таленавітыя музычныя выканаўцы — гэта не проста музыканты, але і сапраўдныя асобы, якія ўмеюць захопліваць сваімі выступамі і пакараць сэрцы слухачоў. Адзін з такіх — хормайстар Нясвіжскага РЦК Валерый Чучман. Напярэдадні свайго прафесійнага свята ён падзяліўся з карэспандэнтам “НН” тым, як праходзіла яго станаўленне ў якасці артыста.
— Валерый, раскажыце, як музыка прыйшла ў ваша жыццё?
— Музыка была часткай майго жыцця, часткай мяне з самага дзяцінства. Спачатку мой дзядуля забіраў мяне са школы пасля ўрокаў, і мы займаліся музыкай. Потым я скончыў музычную школу па класе “гітара” і пасля паступіў у Мінскі дзяржаўны каледж мастацтваў на “Народную творчасць. Харавую музыку”, дзе захапіўся музыкай з новай сілай.
Праз два месяцы вярнуўся на Нясвіжчыну пасля каледжа, прыйшоў мой час служыць у войску. Як вядома, парыў да творчасці можа гэта жа лёгка згаснуць, як і загарэўся, калі пакінуць яго без сілкавання, таму падчас службы я ўдзельнічаў у канцэртнай групе ваенна-паветраных сіл войскаў супрацьпаветранай абароны. На працягу паўтара года былі камандзіроўкі. А калі ўжо адслужыў, вярнуўся сюды.
— Вам як выканаўцу што прыносіць больш за ўсё задавальнення?
— Натуральна той момант, калі зашкальвае адрэналін пры выхадзе на сцэну. Шмат гадоў спяваю, хваляванне прысутнічае кожны раз. Лічу, што яно павінна быць у кожнага артыста.
— Ці ёсць у вас нейкія асаблівыя спосабы ўзаемадзеяння з публікай, як прыцягваеце ўвагу аўдыторыі?
— Харызма перш за ўсё. Важна мець зносіны з залай: “Як настрой? Давайце спяваем — танцуем разам са мной!”.
— Пра што ў вашай працы можна сказаць “складана, але цікава”?
— Насамрэч, самае цяжкае — падбор рэпертуару. Мерапрыемстваў праходзіць шмат, у кожнага свой настрой і трэба знайсці прыдатную кампазіцыю пад кожнае.
— Як вы “ўліваецеся” ў настрой мерапрыемства? Колькі на гэта звычайна патрабуецца часу?
— Тут трэба настройвацца, разумець, што за ўрачыстасць і да чаго прымеркавана. Цяпер, маючы за плячыма пэўны вопыт, гэта займае зусім няшмат часу.
— Ваша праца непарыўная з музыкай. А як наконт непрацоўнага часу? Якім жанры аддаеце перавагу? Можа, нешта натхняе?
— Наогул, я меламан. Спадабаецца мне песня ці не, не залежыць ад яе жанру. З выканаўцаў аддаю перавагу Jony. А так, спяваю лірыку, яе і слухаю часцей за ўсё.
— Што для вас важней: тэкст або мелодыя? Што глыбей перадае пачуцці, энергію кампазіцыі?
— Тут усё залежыць ад таго, якая песня. Бывае так, што мелодыя так сабе, а тэкст проста жыццёвы, можна яго прачуць.
— А самі пішаце музыку?
— Цяпер не, але, вядома, спрабаваў.
— У людзей творчых прафесій так ці інакш бываюць перыяды маркоты, выгарання. Як Вы спраўляецеся з імі?
— У такія моманты ратуе добры адпачынак. Правесці выхадныя ў хатняй абстаноўцы, з сябрамі. Важна перш за ўсё пераключыць увагу на нешта іншае, не звязанае з работай. Тады ўжо вяртаешся да яе з новымі сіламі.
— Наколькі важная для Вас падтрымка блізкіх? Дапусцім, калі б родныя былі супраць паступлення ў абраную ўстанову, вы б змянілі свой выбар?
— Гэтага не можа быць, таму цяжка ўявіць. У мяне ўся сям’я спявае, таму аднагалосна ўсе былі толькі “за”.
— Дзякуй вялікі за цікавую гутарку. Віншуем вас з надыходзячым святам! Жадаем новых вяршынь, гучных авацый і бясконцага натхнення!
