Нясвіжскія навіны У №72 на фотаздымку быў адлюстраваны фрагмент лесвіцы гарадской Ратушы. Правільныя адказы даслалі Аляксей Макась, Андрэй Корсак і Наталля Яснова,
якія атрымалі па 1 балу.
Нясвіжская ратуша з’яўляецца найстаражытнейшай сярод пабудоў гарадскога самакіравання, якія захаваліся на тэрыторыі Беларусі. Прывілей на Магдэбургскае права Нясвіжу падпісаў у Горадні 23 красавіка 1586 г. кароль Рэчы Паспалітай і вялікі князь літоўскі Стэфан Баторый. Гэта дало гораду паўнапраўнае самакіраванне, падатковыя льготы, судовы імунітэт, выгадныя ўмовы для працы рамеснікаў і ганд- ляроў. Адначасова Нясвіж атрымаў свой герб.
Пасля Другой Сусветнай вайны ў ратушы размясціўся раённы Дом культуры, пазней — Дом піянераў і школьнікаў, дзіцячая бібліятэка.
З 1997 па 2004 гады на гарадской ратушы праводзіліся рэстаўрацыйныя работы. У выніку фасады будынка атрымалі сваё першапачатковае аблічча, былі адноўлены верхнія ярусы вежы, як і ў XVI ст., вежу ўпрыгожыў гарадскі га- дзіннік, інтэр’еры 2-га паверха рэканструяваны пад музейную экспазіцыю “Гарадское самакіраванне Нясвіжа XVIII — першай паловы XIX стст.”.
