Нясвіжскія навіны Клопатаў у хлебароба круглы год хапае. Аднак восенню іх асабліва шмат. У гэты час у дакладным і зладжаным рытме вядуцца асеннія палявыя работы ў ААТ “Нясвіжскія Астроўкі”. Механізатары ўносяць мінеральныя ўгнаенні, падрыхтоўваюць глебу, сеюць, камбайнёры — убіраюць сёлетні ўраджай кукурузы і цукровых буракоў.
У адзін з такіх напоўненых справамі дзён карэс- пандэнт “НН” наведала гаспадарку і даведалася пра асаблівасці гэтай гарачай пары для сельгаспрадпрыемства ад яго галоўнага агранома Аляксея Гроха.
Як распавёў спецыяліст, сёлета азімы клін у гаспадарцы — 2300 гектараў.
— Калоссе азімых заўжды больш важкае, чым яра-вых, таму выгады ад іх вырошчвання больш. І ў сувязі з укрупненнем нашай гаспадаркі мы плануем павялічыць азімы клін, — расказвае галоўны аграном. — На сённяшні дзень сеем азімы ячмень. Пад яго адведзена 500 гектараў, якія ўжо амаль пасеялі (прым. аўт. — на раніцу 28 верасня пасеяна 450 га). Акрамя гэтага сеем азімую трыцікале, якой у нас у гэтым годзе 515 гектараў. Выкарыстоўваем правераныя сарты эліты ці першай рэпрадукцыі. Задзейнічаны ў гэтай справе тры сеялкі, якія ў дзень засяваюць па 100 — 120 гектараў.
Сярод гэтых вопытных механізатараў — Віктар Люмін, які заняты на сяўбе трыцікале. Сябе Віктар Аляксандравіч называе мясцовым, бо ўжо каля 15 гадоў працуе ў “Нясвіжскіх Астроўках”.
— Зямля Нясвіжчыны вельмі падатлівая, працаваць на ёй — адна асалода, — дзеліцца сваімі думкамі механізатар.
У пасяўную кожны дзень на ўліку. І Віктар Люмін гэта добра разумее, паколькі ў свой час цікавіўся агранамічнай працай:
— Калі разумееш, навошта ўсё рабіць у тэрмін, стараешся выконваць сваю работу добра і своечасова. Падчас пасяўной у поле выязджаю ўсе сем дзён у нядзелю. Раней адсеяў рапс, у гэтым месяцы — пшаніцу, ячмень. Наперадзе — апошняя частка азімай пшаніцы, пад якую патрэбен зусім іншы, больш густы высеў.
Пакуль на адных плошчах зерне кладзецца ў глебу, на іншых уносяцца арганічныя ўгнаенні. Як адзначыў галоўны аграном ААТ “Нясвіжскія Астроўкі” Аляксей Грох, пад азімы сеў плануецца ўнесці каля 40 тысяч тон арганікі.
Нельга забываць і на ворыва. На адным з палёў, якія рыхтуюць да сяўбы, працуе адказны механізатар Юрый Манулік, які штогод у гарачую пару праслаўляе сваю гаспарадку ў шэрагу перадавікоў.
Зараз на трактары “Беларус-322” з прычэпным плугом “Чэленджар” механізатар штодня заносіць на свой рахунак каля 25 гектараў.
— Глеба зараз цяжкая, засуха паўплывала, — расказвае Юрый Манулік. — Для плуга, за які я адказ- ваю, лепш каменне, чым сухая глеба. Хоць ісці па полі няпроста, але за якасць сваёй працы я адказваю.
Пасля заканчэння ворыва ў планах працаўніка ўборка на камбайне кукурузы на зерне, а пасля — падрыхтоўка тэхнікі да наступнага года.
Добры для сельгаспрадпрыемства і той факт, што нават з улікам моцнага павелічэння плошчаў, пасяўнога матэрыялу ў гаспадарцы хапае. Кожны год пры разліку плануемага ўра- джаю гаспадарка назапашвае на 15 — 20 % больш — на страхавы фонд. І сёлета гэтага хапіла, каб у поўнай гатоўнасці сустрэць восень і павелічэння плошчаў.
Справядліва кажуць, што з поля пачынаецца ферма. Калі будзе нарыхтавана дастатковая колькасць кармоў, тады можна разлічваць і на павелічэнне вытворчасці жывёлагадоўчай прадукцыі. Менавіта такой ісціны прытрымліваюцца ў “Астроўках”.
— Мы плануем назапасіць каля 45 тысяч тон сіласу, каб на адну ўмоўную галаву было дастаткова кармавых адзінак. Для нарыхтоўкі сіласу нашы механізатары заняты ўборкай 1622 гектараў кукурузы. Усяго ж плошча, адведзеная пад царыцу палёў, — 1852 гектара. На 28 верасня ўбрана 984 га — 61 % да плану ўборкі. У нас ёсць добрыя палі, дзе з гектара атрымліваем па 400 — 500 ц. Але ж пры ўліку новых плошчаў сярэдняя ўраджайнасць атрымліваецца меншай.
На кормаўборачным камбайне баразніць палі яшчэ адзін вядомы сваёй адданасцю працы механізатар Аляксандр Сукала.
— Кукуруза ў гэтым годзе ўрадзіла, будзем з кармамі, — адзначае Аляксандр Сукала, чакаючы вадзіцеля на МАЗе, каб працягнуць уборку культуры на сілас. — Мне падабаецца гэты час, падабаецца, калі работа кіпіць.
Акрамя таго, у гаспадарцы занята сёлета пад цукровымі буракамі 670 гектараў. На чацвер убраны 301 гектар з сярэдняй ураджайнасцю 353 ц/га. Як паведамілі ў гаспадарцы, чакаецца, што напрыканцы ўраджайнасць стане большай. Але і зараз на некаторых палях яна дасягае 600 ц/га. Цукрыс- тасць салодкага кораня — прыблізна 17,5 %, што вышэй мінулагодняга паказчыка.
Умовы надвор’я ўплыва- юць на ўборку гэтай культуры. Без дажджу хутчэй знашваюцца “рабочыя органы” камбайна. Тое ж тычыцца і агрэгатаў для ворыва.
Вядома, немалаважны дождж і для сева — калі ў глебе будзе хапаць вільгаці, хутчэй з’явяцца ўсходы, ды і зерне ляжа на аптымальную глыбіню. Але і пры сённяшніх умовах хлебаробы робяць усё ад іх залежнае, каб на наступны год ізноў заняць годнае месца сярод лідараў сельскай гаспадаркі раёна.
Неаніла ЛЮБАНЕЦ.
