Нясвіжскія навіны 1970 г., студзень. У Нясвіжы пачалося будаўніцтва новага бальнічнага гарадка.
Верасень. Хор Нясвіжскай аўтабазы №17 узнагароджаны Ганаровай граматай Мінскага абкама камсамола за майстэрства, якое прадэманстраваў ў Мінску на фестывалі моладзі, прысвечаным 50-годдзю камсамола Беларусі. Кіраваў хорам дырэктар Нясвіжскай дзіцячай музычнай школы Станіслаў Лагіновіч.
Кастрычнік. Калектыў райаб’яднання “Сельгастэхніка” датэрмінова выканаў вытворчы план года. А заданне на пяцігодку было выканана яшчэ 1 жніўня. Яму прысуджаны пераходны Чырвоны сцяг Савета Міністраў СССР і ВЦСПС.
У гэтым годзе ў “Сельгастэхніцы” пачаў працаваць дзіцячы сад-яслі.
23 снежня. Мінская вобласць узнагароджана другім ордэнам Леніна за вялікія поспехі, дасягнутыя працоўнымі ў выкананні заданняў пяцігадовага плана па развіцці прамысловай і сельскагаспадарчай вытворчасці.
1971 г., студзень. У Нясвіжы арганізавалі ПМК-23 меліярацыі. Яе начальнікам быў зацверджаны Антон Сіліцкі.
Недалёка ад райцэнтра, ля тарфянога масіву “Караліны”, будуецца паўбрыкетны завод. Выра- стуць галоўны корпус, бункерная для сыравіны, эстакада гатовай прадукцыі, кацельня, воданапорная вежа, помпавая.
Люты. Па выніках работы за чацвёрты квартал 1970 г. Нясвіжскі льнозавод заняў першае месца ва ўсесаюзным спаборніцтве. Яму прысуджаны пераходны Чырвоны сцяг Савета Міністраў СССР і ВЦСПС.
Нясвіжскі міжкалгасбуд выйшаў пераможцам у рэспубліканскім спаборніцтве. Яму ўручаны пераходны Чырвоны сцяг Белміжкалгасбуда і ЦК прафсаюза.
У райцэнтры гасцінна расчыніў дзверы рэстаран “Нясвіж”.
12 сакавіка. У раённым Доме культуры адбыўся ўрачысты сход, прысвечаны ўручэнню райаб’яднанню “Сельгастэхніка” ордэна Леніна.
Красавік. Слесару Нясвіжскага райаб’яднання “Сельгастэхніка” Мікалаю Мікалаевічу Герману прысвоена званне Героя Сацыяліс- тычнай Працы з уручэннем ордэна Леніна і залатога медаля “Серп і Молат”.
Май. У павільёне “Савецкая культура” на ВДНГ СССР прадстаўлены Нясвіжскі раённы дом культуры.
Верасень. Нясвіжскай раённай друкарні прысвоена імя Сымона Буднага.
1972 г., студзень. Пачаўся пробны пуск паўбрыкетнага завода.
Ланскаму мужчынскаму хору прысвоена званне “народны”. Кіраўнік калектыву — У.А. Пешкур.
Нясвіжская раённая фізкультурная арганізацыя (старшыня У.С. Кісялёў) прызнана пераможцай у спаборніцтве аднатыпных калектываў вобласці па арганізацыі масавай фізкультурна-аздараўленчай і спартыўнай работы за 1971 год.
Люты. Створана Нясвіжская гарадская ветэрынарная станцыя. Размешчана яна ў будынку райветлячэбніцы. Узначаліла станцыю ветурач В.М. Каспер.
Май. За вялікую работу па выхавнні падрастаючага пакалення і ў сувязі з 50-годдзем Усесаюзнай піянерскай арганізацыі імя Леніна піянерская дружына СШ №1 г. Нясвіжа ўзнагароджана Ганаровай граматай Вярхоўнага Савета БССР.
Верасень. У санаторыі “Нясвіж” пачалося будаўніцтва лячэбнага корпуса з плавальным басейнам і спартыўнай залай.
1973 г., верасень. Нясвіж адзначыў сваё 750-годдзе. У кінатэатры “Салют” прайшла ўрачыстая сесія гарадскога Савета дэпутатаў працоўных.
Снежань. У райцэнтры пачалося ўзвядзенне новага будынка аўтамотаклуба. На ім працавала брыгада муляраў Івана Мамчыца з ПМК-10.
