Дарья Пивоварская На гэтым тыдні карэспандэнт “НН” пабывала ў Рудаўскім фельчарска-акушэрскім пункце, дзе актыўна вяліся рамонтныя работы. Падрабязней пра тое,
як адбываецца працэс і што ўжо зроблена, распавяла загадчык ФАПам Анжэліка Кірыеня:
— Вядома, спачатку хочацца адзначыць, што гэты рамонт нам быў неабходны. Мы мелі патрэбу ў замене лінолеўма па ўсім ФАПе, у замене вокнаў. Усё гэта, як бачыце, адбылося, — камеціруе Анжэліка Сяргееўна, дэманструючы абноўлены выгляд падлогі і ўсталяваныя шклопакеты.
На першым паверсе сумеснымі намаганнямі кіраўніцтва УАЗ “Нясвіжская ЦРБ” была закуплена плітка, а работнікі ААТ “Нясвіжскі райаграсэрвіс” яе паклалі. Таксама зроблены рамонт у калідоры на першым паверсе: будаўнікі патынкавалі і пафарбавалі сцены, столь, паклалі плітку.
Нягледзячы на бягучыя рамонтныя работы, ФАП працягвае сваю работу. На дадзены момант на ўліку тут знаходзяцца 623 дарослых і 130 дзяцей, з якіх ва ўзросце да аднаго года — 5 малых. Назіраюцца 4 цяжарныя жанчыны і 13 інвалідаў І групы здароўя.
Функцыянуе кабінет здаровага дзіцяці, працэдурны і акушэрскі кабінеты.
— Работы ўжо падыходзяць да завяршэння, — дадае загадчык. — Выказваем вялікую падзяку кіраўніцтву цэнтральнай раённай бальніцы ў асобе галоўнага ўрача Вікторыі Пражэнік. І, безумоўна, кіраўніцтву Нясвіжскага райаграсэрвісу: усёй будаўнічай брыгадзе пад шэфствам галоўнага спецыяліста па будаўніцтве Дзмітрыя Карпача, а таксама дырэктару акцыянернага таварыства Яўгену Пякарчыку.
Дар’я ПІВАВАРСКАЯ.
