Нясвіжскія навіны Шмат наведвальнікаў сабрала падчас свята і лакацыя “Галерэя рамёстваў”, што размясцілася ад Слуцкай брамы да касцёла па вуліцы Ленінскай. 61 рамеснік з усёй рэспублікі дэманстраваў тут несвіжанам і гасцям горада свае вырабы, якія можна было не толькі разгледзець і патрымаць у руках, але і набыць.
Тут было прадстаўлена саломапляценне, аўтарскія тэкстыльныя і скульптурныя лялькі, сумкі ручной работы са скуры, упрыгожванні з бісеру і сутажу, крафтавае мыла, разныя свечкі, вязаныя сумкі з лёну і джгуту, вырабы з бісеру, мастацкая апрацоўка дрэва, сувенірная прадукцыя, упрыгожванні з дрэва, керамікі, каменю, бранзалеты з нацыянальным арнаментам, сувенірная прадукцыя, мяккая цацка уласнай вытворчасці, мёд, падарункавыя наборы, прадукты пчалярства, мыла ручной працы, бондарства, ганчарства, вырабы з натуральнай скуры ручной работы, рамяні, ключніцы, атуральная касметыка, кедравы алей, сдовая мэбля і яшчэ шмат цікавага, што лепш адзін раз убачыць, чым шмат разоў пачуць аб ім.
— Мы з жонкай, напрыклад, прыехалі з Мінска, — расказвае майстар па дрэве Юрый Старс. — Я раблю з дрэва як невялікія прадметы, карысныя ў гаспадрцы, якія вы можаце бачыць, так і больш буйныя, нават сталы. А каб мае вырабы нельга было зблытаць з іншымі, на кожным стаўлю свой лагатып. Вельмі рады, што атрымаў магчымасць прадэманстраваць сваё майстэрсва несвіжанам! 
