Нясвіжскія навіны Падвечар цікавасць несвіжан і гасцей горада да “Галерэі рамёстваў” не толькі не зменшылася, але і наадварот, вырасла. Жанчыны з задавальненнем прымяралі ўпрыгажэнні, а мужчыны прыглядаліся да прадметаў, карысных у гспадарцы. Многія, як сям’я Ганны і Віктара з Салігорска якраз прыехалі пад канец дня, бліжэй да канцэртаў.
— Мы даведаліся пра свята ў Нясвіжы з інтэрнэту, — расказалі нашы госці. — Горад вельмі вядомы, і хаця ў нас няма тут ні сваякоў, ні сяброў, мы вырашылі паглядзець, як тут што. З сабой узялі сына Рамана. Пакуль што мы абышлі далёка не ўсё, але тое, што ўбачылі, нам вельмі спадабалася. Спадабалася, што так многа людзей, многа гандлёвых радоў, многа ўсяго цікавага. Рады, што прыехалі да вас! 
