Софья ЛЮБАНЕЦ Галоўнай падзеяй інтэрактыўнай пляцоўкі “Нясвіж — горад людзей, якія чытаюць” без перабольшвання можна назваць ушанаванне пераможцаў і ўдзельнікаў міжнароднага літаратурнага конкурсу “Табе я, Нясвіж, прысвячаю”. Тут сабраліся творчыя людзі з розных краін, каб яшчэ раз пагаварыць аб знакамітым гістарычным цэнтры Беларусі творамі розных жанраў.
Спявае Галіна Бабонава
Кампетэнтнае журы, у склад якога ўвайшлі вельмі дасведчаныя літаратары, вызначыла пераможцаў, прызёраў і фіналістаў конкурсу.
У намінацыі “Паэзія” (на беларускай мове) ва ўзроставай групе 18 — 31 год быў вызначаны толькі фіналіст — Валянціна Штоп. У такой жа намінацыі ў гэтай жа ўзроставай групе, толькі на рускай мове, фіналістам была прызнана Таццяна Неруганёнак.
У выніку пераможцам у намінацыі “Паэзія” (на беларускай мове) ва ўзроставай групе 31 год і старэй стаў паэт з Баранавічаў Аляксей Белы, лаўрэатамі І ступені — Таццяна Цвірка і Генадзь Аўласенка, ІІ ступені — Людміла Круглік, ІІІ ступені — Міхаіл Стрыжоў і Аксана Хацкевіч. У фінал выйшлі Алена Новік, Валянціна Нікіціна і Юрый Мазалевіч.
Аксана Рыжыкава віншуе з перамогай Аляксея Белага
Спявае Віктар Мяцельскі
У намінацыя “Паэзія” (на рускай мове) у гэтай жа ўзроставай групе пераможцам стаў паэт з В’етнама Май Ван Фан. Пераклад на рускую мову зрабіў Руслан Півавараў. Лаўрэатам І ступені была прызнана Раіса Мельнікава, ІІ ступені — Вольга Алізар, Ксенія Любенская (Аксана Смолікава) і Юрый Мазалевіч. Лаўрэатам ІІІ ступені — Людміла Круглік і Сяргей Сіткевіч. У фінал тут выйшлі Алена Ждановіч (Алёна Шэх) і Святлана Івановіч.
У намінацыі “Проза” (на рускай мове) ва ўзроставай групе 18 — 31 год перамагла Анастасія Якубоўская. Лаўрэатам І ступені стала Таццяна Неруганёнак. У гэтай жа намінацыі на беларускай мове ва ўзроставай групе 31 год і старэй пераможцам была прызнана Таццяна Цвірка, лаўрэатам І ступені — Надзея Кажар, ІІ ступені — Дзмітрый Вінаградаў.
У намінацыі “Проза” (на рускай мове) ва ўзроставай групе 31 год і старэй пераможцам стала Ірына Токарава, лаўрэатам І ступені — Таццяна Смаляк, ІІ ступені — Юрый Маскаленка, ІІІ ступені — Ала Ярмак і Аляксандр Марозаў.
Дырэктар цэнтральнай раённай бібліятэкі імя Паўлюка Пранузы Аксана Рыжыкава ўручае Падзяку ад бібліятэкі адной з арганізатараў і пераможцаў конкурсу Зоі Капусце (Кулік)
Свае вершы чытае ўраджэнка Нясвіжа Людміла Круглік
У намінацыі “Песні” перамог твор Лізы Васільковай “Мелодыя Нясвіжскага парка” на верш Зоі Капуста ў выкананні Алены Сало.
Песня “Святая беларуская зямля” на словы Вольгі Любашынай ў выкананні аўтара музыкі Віктара Мяцельскага і “Нясвіжскі вальс”, словы і музыку якога напісала Ірыны Здановіч (Мезенцава) ў выкананні Галіны Бабонавай ў аранжыроўцы Васіля Бурака сталі лаўрэатамі І ступені. “Фестывальная песня” на словы Фёдара Баравога, якую выканаў аўтар музыкі Уладзімір Сухалінскі і “Мой Нясвіж” на словы Зоі Кулік і музыку Тамары Кошчавай — лаўрэатам ІІ ступені.
Песня “Малая радзіма” на словы Людмілы Круглік і музыку Алены Жукоўскай атрымала званне лаўрэата ІІІ ступені.
Дырэктар цэнтральнай раённай бібліятэкі імя Паўлюка Пранузы Аксана Рыжыкава віншуе лаўрэата І ступені — Таццяну Цвірка
Зоя Капуста (Кулік) і лаўрэат ІІ ступені Ксенія Любенская (Аксана Смолікава)
Падвядзенне вынікаў конкурсу “Табе, Нясвіж, я прысвячаю” выклікала вялікую цікавасць сярод удзельнікаў свята
Падвядзенне вынікаў конкурсу “Табе, Нясвіж, я прысвячаю” выклікала вялікую цікавасць сярод удзельнікаў свята
