Нясвіжскія навіны Якім павінен быць адпачынак ля вады? Формула ідэальнага баўлення часу ў вады простая і немудрагелістая: яно павінна быць сонечным, вясёлым, гарачым і… самае галоўнае — бяспечным!
Але, на жаль, недахоп увагі за сваімі дзецьмі з боку дарослых, нядбайнасць і халатнасць да свайго жыцця, а таксама незахаванне элементарных правіл бяспекі мо- гуць прывесці да сумных наступстваў.
Каб пераканацца ў тым, што аматары пляжнага адпачынку паводзяць сябе бяспечна і выконваюць неабходныя правілы, ратавальнікі Нясвіжскага РАНС праводзяць прафілактычныя акцыі ў месцах купання пры ўдзеле РАУС, ТВВОД і БРСМ.
З адпачываючымі праводзяцца прафілактычныя гутаркі па правілах бяспечных паводзін на вадаёмах, а таксама ўручаюцца памяткі з правіламі бяспекі. Асаблівы акцэнт гэтага рэйду — гэта бяспека дзяцей. Паразмаўляўшы з юнымі плыўцамі, удзельнікі акцыі пераканаліся, што асноўныя правілы паводзін ля вады яны ведаюць.
Падобныя мерапрыемствы прымусяць людзей лішні раз задумацца аб каштоўнасці свайго жыцця і сваіх блізкіх, ці варта падвяргаць небяспецы сябе, калі вырашыў адправіцца на вадаём, узяўшы з сабой алкаголь, або куды больш сур’ёзна — адпу- сціць дзіця адно купацца, і не важна, дзе ў гэты час знаходзяцца бацькі: паблізу ці ўвогуле адсутні- чаюць. Бо ёсць адна простая праўда — чалавек тоне моўчкі, і каб выявіць, хто тоне, патрабуецца час. А яго часта не хапае.
Беражыце сваё жыццё!
“НН”.
