Нясвіжскія навіны “Сяляне наогул у нас людзі моцныя. Вы моцныя людзі, і на вас трымаецца краіна… І я ніколькі не шкадую аб тым, што ў свой час прымалі праграмы па адраджэнні сяла і ўклалі дастаткова сродкаў у сельскую гаспадарку. Мы сёння адчуваем аддачу”.
Прэзідэнт Беларусі
Аляксандр ЛУКАШЭНКА,
падчас сустрэчы з жыхарамі аграгарадка Белавежскі Камянецкага раёна
1 жніўня 2023 года.
Збажына — гэта велізарнейшы сегмент забеспячэння харчовай бяспекі нашай краіны. Таму і такая ўвага ёй — вырошчванню, уборцы. Увага ўсіх, ад Прэзідэнта да камбайнера, дакладней — нават і тых, хто непасрэдна не звязаны з сельскай гаспадаркай. Усе перажывалі за стан пасеваў у засуху, цяпер хвалюемся, што дажджы не даюць магчымасці хутка весці жніво. Пра хлеб турбуюцца ўсе.
У нядзелю Кіраўнік дзяржавы з борта верталёта праінспектаваў ход уборачнай у Мінскай, Гро- дзенскай і Брэсцкай абласцях. А ў аўторак пабываў у ААТ “Белавежскі” Камянецкага раёна. Падчас абмеркавання надзённых пытанняў упор рабіўся на самае строгае захаванне ўсіх агратэхналогій. “Без тэхналогій нікуды”, — падкрэсліў Аляксандр Лукашэнка.
Тое, што напрацаваныя тэхналогіі, якіх абавязкова прытрымліваюцца, прыносяць добрыя вынікі, відаць на прыкладзе сельгаспрадпрыемстваў Нясвіжчыны. Яны збіраюць самы высокі ўраджай збожжавых у вобласці. Сёлета — па 71,4 ц/га. У т.л. у ААТ “Грыцкевічы” — 98,4, у СВК “Агракамбінат Сноў” — 91,6, ААТ “НОВАЕ ЖЫЦЦЁ” — 85, ЗАТ “Агракамбінат Нясвіжскі” — 72,5, ААТ “Нясвіжскія Астроўкі” — 72,2 ц/га.
Усяго ў раёне па стане на раніцу 3 жніўня, згодна з аператыўнай інфармацыяй райсельгасхарчу, было ўбрана 8877,4 гектара збожжавых і зернебабовых — 47,8 %. Летась на гэту дату было зжата 7625,3 га, намалочана 51214,1 тоны пры ўра- джайнасці 67,2 ц/га.
Найбольш хуткімі тэмпамі ідзе жніво ў ЗАТ “Агракамбінат Нясвіжскі” — 95%, ААТ “17 Верасня” — 73%, ДП “ЭБ “Свеклавічная” — 70%, ААТ “Нясвіжскія Астроўкі” — убрана 60% збожжавых і зернебабовых.
