Дарья Пивоварская Як далёка распасціраюцца прамяні маленечкай свечкі! Гэтак жа ззяе і добрая справа ў свеце непагадзі.
У. Шэкспір.
Ці варта быць добрым? Актуальнае ў наш час пытанне. Праяўляючы дабрыню, чалавек клапоціцца пра бліжняга, аказвае яму дапамогу. Добры чалавек спагадлівы да іншых насуперак выпрабаванням лёсу. Сваімі ўчынкамі ён робіць лепшым свет, у тым ліку і жыццё некаторых людзей.
Пагадзіцеся, гэта светлае пачуццё важна выхоўваць у чалавеку з малых гадоў. Важна развіваць устаноўку на дабро, вучыць дзіця не толькі браць, але і аддаваць. Прывучаючы маленькіх разважаць над учынкамі, дарослыя развіваюць іх свядомасць. А свядо- масць, у сваю чаргу, фарміруе стаўленне да жыцця і ўсяго навакольнага.
Чаму важна быць добрым чалавекам, выхаванцам аздараўленчага лагера “Арляня” расказ- валі на мінулым тыдні. У аўторак там прайшло духоўна-маральнае мерапрыемства “Сад дабрачыннасці”. І гэты сад паспяхова расквеціўся дзякуючы агульным намаганням дзяцей і дарослых.
Гасцямі на мерапрыемстве сталі спецыялісты розных сфер дзейнасці — псіхалогіі, медыцыны, рэлігіі, прамысловасці, журналістыкі і інш. Яны дапамагалі выхаванцам праходзіць заданні на інтэрактыўных станцыях, якія сімвалізавалі галоўныя станоўчыя рысы чалавечага характара — “Мудрасць”, “Паслухмя- насць”, “Цнатлівасць”, “Міласэр- насць”, “Сяброўства”, “Працавітасць” і “Любоў”. Раз- дзяліўшыся на каманды, дзеці разважалі на кожную з тэмаў, задавалі пытанні і атрымлівалі адказы на іх, такім чынам па пялёстачку збіраючы кветачкі дабрачыннасці. Потым выхаванцы ўпрыгожылі імі галоўнае дрэва.
А ў канцы вядучыя мерапрыемства яшчэ раз падкрэслілі, якую каштоўнасць ма- юць добрыя ўчынкі ў сучасным грамадстве, як здорава, калі мы робім добрую справу, натхняючы іншых на падобныя ўчынкі. І, як след, распаўсюджваем святло і дабрыню.
Дар’я ПІВАВАРСКАЯ.
