Нясвіжскія навіны Хачу расказаць яшчэ пра адну сустрэчу
самадзейных артыстаў Нясвіжа з гледачамі
і слухачамі. Яна адбылася некаторым часам раней. Наш хор ветэранаў працы “Аптымісты”
(хормайстар Ірына Латушка, канцэртмайстар
Аляксандр Герасімовіч) пабываў з канцэртам
у аграгарадку Юшавічы.
Людзі дружна сабраліся, каб паслухаць добрыя творы. Яны цёпла сустракалі песні “Аб цудоўным настроі”, “Вальс развітання”, “Блакітная ноч”, “Пакуль жывеш на белым свеце, радуйся!”. А пачыналі мы канцэрт, зразумела, любімай “Родныя мясціны”. Спадабаліся вяскоўцам і сольныя нумары: “Адзінокі гармонік” у выкананні Віталя Раманчука, гума- рэску “У санаторыі” прачытала Любоў Трацяк, а ўласны верш “Рыбалка” — Ядвіга Златкус. Разнастайнасць канцэртнай праграмы выклікала ажыўленне ў зале і дружныя апладысменты. Некаторыя нават падпявалі. А напрыканцы — шчыра дзякавалі. Так, пенсіянерка Ларыса Мартыненка сказала:
— Вельмі задаволена канцэртам. І тое, што выступаюць
пенсіянеры, — як бальзам на душу. Мая мама таксама цудоўна спявала, і я люблю песні.
У кнізе запісаў нашага хору я прачытала калектыўны водгук: “Чытачы Юшавіцкай бібліятэкі імя Івана Гурбана выказваюць сардэчную па-
дзяку за цудоўны канцэрт. Кожны нумар самабытны, прыгожыя галасы. Вашыя песні вярнулі нас у маладосць, прымусілі перажыць яркія эмоцыі. Дзякуй за ваш талент і працу. Вы робіце людзей шчаслівейшымі. Вы — “Аптымісты”, і робіце іншых аптымістамі”. І подпісы: Л. Каткова, С. Янцэвіч, Н. Лабоцкая, Я. Буян, Ж. Грабоўская. У сваю чаргу, мы таксама засталіся ўдзячныя гэтым людзям, бо і яны нам падарылі добры настрой.
Раіса ХВІР,
г. Нясвіж.
