Софья ЛЮБАНЕЦ Сёння завяршыліся Вечары Вялікага тэатра ў замку Радзівілаў. За тры дні прайшло дзесяць прадстаўленняў. Публіка ўбачыла тэатральныя прэм’еры гэтага сезона. Былі занятыя ўсе 1040 месцаў у цэнтральным двары замка і 110 — у Тэатральнай зале.
У суботу прайшлі два канцэрты ў Тэатральнай зале — вакальнай музыкі Сяргея Рахманінава “Тут добра” і “Край прыгожых людзей”, у якім гучала музыка беларускіх кампазітараў, у тым ліку тая, што ні разу яшчэ не выконвалася.
Асобным яскравым акордам гэтага дня стаў дабрачынны канцэрт “Жамчужыны духоўнай музыкі XIX — XXI стагоддзяў”, які прайшоў у касцёле Божага Цела”. Завяршыўся другі дзень тэатральнага свята славутай операй “Сявільскі цырульнік” пад адкрытым небам.
У апошні дзень “Вечароў” упершыню ў Тэатральнай зале для дзяцей прайшла музычная казка Сяргея Пракоф’ева “Пеця і воўк”. Там жа пасля адбыўся канцэрт “Viva l’talia, Viva l’amore”, сабраны са славутых хітоў італьянскай музыкі, які праз некаторы час змяніўся канцэртам “A.M.A.D.I.S. BRASS запрашае”, дзе прагучалі папулярнейшыя джазавыя і эстрадныя творы”. 
Завяршыў праграму апошняга дня “Вечароў” гала-канцэрт зорак оперы і балета Беларусі, у якім былі прадстаўлены самыя яскравыя сцэны з твораў сусветнай опернай і балетнай класікі.
Усе гэта стала бліскучым азнаменаванне трох знакавых дат: 30-годдзя з дня заснавання Нацыянальнага гістрыка-культурнага музея-запаведніка “Нясвіж”, 440-годдзя ад пачатку будаўніцтва палацавага ансамбля князёў Радзівілаў і 800-годдзя Нясвіжа.
