“Лета з добрай кнігай”

У скверы ля гарадскога фантана прайшла гарадская акцыя ў падтрымку чытання “Кніга збірае сяброў” у рамках акцыі “Лета з добрай кнігай”. Супрацоўнікі аддзела па рабоце з дзецьмі цэнтральнай раённай бібліятэкі імя Паўлюка Пранузы і гарадскога маладзёжнага цэнтра падрыхтавалі для юных удзельнікаў мерапрыемства шмат цікавых гульняў і конкурсаў.
Асобнай цікавай старонкай акцыі стала сустрэча з кіраўніком народнага клуба паэтаў і музыкантаў Мінскай вобласці “Жывіца”, членам саюза пісьменнікаў Беларусі і саюза пісьменнікаў СНД Ірынай Карнаухавай. Яна пазнаёміла маленькіх чытачоў са сваімі дзіцячымі кнігамі, расказала шмат цікавага пра возера Байкал і заклікала сваю юную аўдыторыю не ленавацца пазнаваць навакольны свет праз кнігі, таму што яны не толькі забаўляюць, але і вучаць думаць, супастаўляць і аналізаваць прачытанае.