Нясвіжскія навіны З 23 па 25 чэрвеня ў Нясвіжы пройдзе штогадовы фестываль опернага і балетнага мастацтва «Вечары Вялікага тэатра ў замку Радзівілаў» — адна з самых значных падзей тэатральнага сезона. Сёлета праект будзе адзначаць свой 13-ы дзень нараджэння. Нясвіжскі палац даўно стаў для беларускага тэатра другім домам і галоўнай летняй фестывальнай пляцоўкай фармату open-air. Артысты балета, оперы, хору, аркестра выязджаюць з родных тэатральных сцен, каб падарыць гасцям старадаўняга Нясвіжа радасць сустрэчы з шэдэўрамі сусветнай опернай і балетнай класікі, якія можна ўбачыць адразу на некалькіх пляцоўках: у цэнтральным двары, у Тэатральнай зале палаца, а таксама ў касцёле Божага Цела.
На працягу ўсіх трох дзён з 11.00 да 19.00 можна будзе наведаць выставу старадаўніх прасаў XVII-XX стст. «Летапіс праса: разгладзім старонкі», якая будзе працаваць у Малой выставачнай зале Палацавага ансамбля. Ужо ў першы дзень фестывалю наведвальнікі змогуць атрымаць асалоду адразу ад двух мерапрыемстваў – у 16.00 у Тэатральнай зале Палацавага ансамбля пройдзе канцэрт «Флейты на канікулах», а ў 20.30 у цэнтральным двары Палацавага ансамбля адбудзецца ўрачыстые адкрыццё праекта-балета Л. Мінкуса «Дон Кіхот».
Другі дзень «Вечароў Вялікага тэатра» пачнецца з канцэрта «Тут добра», прысвечанага 150-годдзю Сяргея Рахманінава, які пройдзе ў Малой выставачнай зале Палацавага ансамбля ў 12.00.
У гэты дзень адбудуцца яшчэ два канцэрты: у 14.00 — «Жамчужыны духоўнай музыкі XVI-XX стагоддзя» ў выкананні салістаў оперы і артыстаў аркестра ў касцёле Божага Цела і канцэрт «Край скажоных людзей» — у 16.00 у тэатральнай зале Палацавага ансамбля. Завяршэннем дня стане Опера Дж. Расіні «Севільскі цырульнік», якая пачнецца ў 20.00 у цэнтральным двары Палацавага ансамбля.
У 12.00 25 чэрвеня ў Тэатральнай зале Палацавага ансамбля пройдзе інтэрактыўна-забаўляльная праграма ў выкананні салістаў і музычная казка С. Пракоф’ева «Пеця і Воўк» у выкананні духавога квінтэта Вялікага тэатра Беларусі. А ў 14.00 гледачоў і слухачоў ў тэатральнай зале чакае канцэрт «VIVA L’ITALIA, VIVA L’AMORE». У той жа зале ў 16.00 пройдзе канцэрт «A.M.A.D.I.S. BRASS ПРИШЛАГАЕТ…». Завершацца «Вечары Вялікага тэатра» Гала-канцэртам зорак Вялікага тэатра Беларусі ў 19.30 у цэнтральным двары палаца.
