Нясвіжскія навіны Навучэнцы Нясвіжскага дзяржаўнага каледжа імя Якуба Коласа занялі прызавое месца ў конкурсе «Медыясфера—2023». Фотапраект пад назвай «Спадчына» атрымаў высокую ацэнку журы. Дзяўчаты падзяліліся сваімі думкамі аб тым, чым яны натхняліся, і расказалі пра тое, як праходзіла падрыхтоўка да конкурсу.
Палажэнне аб конкурсе ім даслалі ў каледж. Гэта было запрашэнне да ўдзелу. Ідэю праекта прымеркавалі да Года гістрычнай памяці. Натхняліся навучэнцы працамі беларускага фотамастака Валерыя Вядрэнка.
Спачатку кожны абраў сабе славутасць, з якой у далейшым працаваў і вывучыў яе гісторыю. Далей, грунтуючыся на гістарычных дадзеных, шукалі фотаздымкі ў высокім дазволе, якія выкарыстоўваліся для працы ў тэхніцы «фотапластыка».
Дадзеная падзея навучыла удзельніц не забывацца і аберагаць гістарычныя месцы. Удзел у конкурсе дапамог развіць цікавасць да гісторыі Айчыны. Бо ўвекавечанне памяці і гісторыі продкаў спрыяе прыцягненню ўвагі да гісторыі, а таксама фарміраванню навыкаў паважлівага стаўлення да яе збоку падрастаючага пакалення. Акрамя таго, праца ў рамках конкурса павысіла кругагляд і адукацыйны ўзровень не толькі ўдзельнікаў, але і людзей, якія цікавяцца дадзенай тэмай. Дзяўчаты яшчэ раз пераканаліся, што людзям неабходна берагчы архітэктуру, таму што менавіта помнікі дапамагаюць чалавеку не забываць гісторыю, шанаваць унікальнасць свайго горада і краіны.
— Якую параду вы б далі нашым чытачам?
— Вельмі часта наша занадта вялікая зацыкленасць на выніку, увага да поспеху, імкненне кожную хвіліну зрабіць карыснай, прыводзяць да перанапружання і знясілення. Энергію і бадзёрасць нам шмат у чым надае творчасць. Пачаць шлях творцы—значыць навучыцца ставіць творчыя задачы, гэта тое, што адрознівае дзіця ў пясочніцы ад ўсвядомленага мастака. Разуменне — навошта і як ты робіш, дазваляе кантраляваць працэс працы, усё разам нараджае ўпэўненасць і пачуццё свабоды.
Сёння як ніколі важна заняць сябе справай, ствараючы, вы з’яўляецеся часткай свету, якая аднаўляе баланс. Не памнажайце негатыў, у думках і матэрыяльна стварайце.
Праводзяць вольны час навучэнцы каледжа па-рознаму. Хтосьці любіць больш праводзіць час на прыродзе, фатаграфуючы яе прыгажосці, хтосьці робіць накіды, чытае любімыя творы ці слухае музыку для душы.
Дзяучынкі падзяліліся, што у будучыні многія з іх хацелі б працягнуць займацца любімай справай, развівацца творча. Яны з задавальненнем і далей будуць прымаць удзел у такіх конкурсах, каб папаўняць сваё партфоліо.
Кацярына КРАСОЎСКАЯ
