Нясвіжскія навіны Наталля Кавалёва, жыхарка г.п. Гарадзея:
— Мы з сям’ёй пераехалі з ДНР сем гадоў таму. Мне адразу далі грамадзянства, бо я этнічная беларуска — мая бабуля жыла ў Гродзенскай вобласці.
Першапачаткова прыехалі ў Віцебскую вобласць, дзе нам дапамаглі работай і жыллём, а потым перабраліся ў Мінск, бо муж пачаў працаваць сам на сябе. З часам, калі з’явілася трэцяе дзіця, мы атрымалі сямейны капітал і купілі дом тут, у Гарадзеі.
У кастрычніку мінулага года, калі абстрэлы наблізіліся да Днепрапятроўскай вобласці, да нас прыехала і мая мама. Бацька ўсё яшчэ застаецца там. Мы прапісалі яе ў нас і аформілі від на жыхарства. Нам тэлефанавалі супрацоўнікі Беларускага Таварыства Чырвонага Крыжа, расказвалі пра фактары, якія ўплываюць на атрыманне дапамогі. Вядома, мы вельмі ўдзячныя за такую ўвагу і за тое, што беларусы дапамаглі нам у цяжкую хвіліну.
