Нясвіжскія навіны Як вядома, сёння на Нясвіжчыне праходзіць рэспубліканскі суботнік, у якім прымаюць удзел работнікі ўсіх арганізацый і прадпрыемстваў раёна, неабыякавыя да будучыні сваёй малой радзімы і ўсёй нашай краіны ў цэлым. Аднак будзе няправільным думаць, што работа на агульную грамадскую карысць — гэта аднадзённая акцыя. На самай справе, яна вядзецца не толькі ў гэты дзень, а і ў іншыя сіламі працаўнікоў усіх узростаў.
Так, у чацвер прадстаўнікі пярвічных арганізацый ГА “БРСМ” фарбавалі жалезабетонную агароджу па вуліцы Чкалава ад памятнага знака, устаноўленага ў 2003 годзе, да гарадской лазні, уключаючы яе тэрыторыю. Удзел у гэтай добрай справе прынялі маладыя работнікі філіяла “Нясвіжскае УМГ ААТ “Газпром трансгаз Беларусь”, Нясвіжскага раёна газазабеспячэння ВУ “Стоўбцыгаз”, Нясвіжскай ЦРБ, Нясвіжскага РЦК, Нясвіжскага раённага вузла паштовай сувязі, ААТ “Сейлавічы”, Нясвіжскага філіяла (племпрадпрыемства) РУСП “Мінскае племпрадпрыемства”, РК ГА “БРСМ”.
У цэлым жа з чацвярга па сённяшні дзень удзел у рэспуб- ліканскім суботніку прымаюць 18 пярвічных арганізацый ГА “БРСМ”.
Соф’я ЛЮБАНЕЦ.
Фота Ірыны ЛУЧЫНОВІЧ.
