Нясвіжскія навіны Верагодна, многія з нашых чытачоў, хто нярэдка бывае на цэнтральных вуліцах горада, ужо заўважылі брыгады рабочых, якія шчыруюць на ўчастку ад будынка
Нясвіжскага РТЦСАН да будынка раённага цэнтра культуры.
Гэта рабочыя Стаўбцоўскага філіяла КУП “Мінскаблдарбуд”. Прадпрыемства выйграла тэндар і зараз праводзіць работы па добраўпарадкаванні.
— Работы пачаліся яшчэ на мінулым тыдні, там сталі здымаць урадлівы пласт глебы, — расказаў нашаму выданню першы намеснік старшыні райвыканкама, які курыруе пытанні будаўніцтва і жыллёва -камунальнай гаспадаркі, Міхаіл Афанасік. — Добраўпарадкаванне вядзецца ў рамках канцэпцыі, якую распрацавалі самі работнікі раённага цэнтра культуры. На дадзены момант плануецца ўкладка тратуарнай пліткі, будуць зроблены прыгожыя газоны, клумбы, будзе ўсталявана вулічнае таршэрнае асвятленне, лавачкі для адпачынку. Усе работы мусяць завяршыцца ў тэрмін да першага ліпеня.
Дар’я ПІВАВАРСКАЯ.
Фота Ірыны ЛУЧЫНОВІЧ.
