Нясвіжскія навіны “Я хачу абезапасіць беларускую дзяржаву і забяспечыць мір беларускаму народу! Сваёй гісторыяй, усім сваім існаваннем мой народ гэта заслужыў. Пад бізуном жыць больш
не хочам! І рабамі не будзем!”.
Аляксандр Лукашэнка, Прэзідэнт Рэспублікі Беларусь.
З выступлення пры звароце са штогадовым Пасланнем да беларускага народа
і Нацыянальнага сходу 31 сакавіка 2023 г.
Пасланне Прэзідэнта 31 сакавіка я паслухала, паглядзела па тэлебачанні ў прамым эфіры. Назаўтра чытала ў газеце, з алоўкам у руцэ, бо столькі ўсяго трэба было выдзеліць, падкрэсліць, выпісаць у план для магчымых далейшых тэм уласных артыкулаў. Гэта была выдатная лекцыя выдатнага выкладчыка, калі табе па палічках раскладваюць тэзісы тэм, калі і пра палітыку, і пра эканоміку, і пра дэмаграфію, і многае іншае тлумачаць зразумела, даходліва, пераканаўча, доказна. Шматгранна. І вельмі хвалююча.
У эпіграф да сваёй аўтарскай калонкі я вынесла словы Кіраўніка дзяржавы, якія асаб-ліва кранулі. Сапраўды — досыць, набыліся нашы продкі рабамі, халопамі, з якіх смяяліся, якімі пагарджалі. Беларусы ж — разумныя, працавітыя, міралюбівыя. Паглядзіце, якую краіну адбудавалі на руінах разваленага Савецкага Саюза! Цудоўную, квітнеючую!
І наша ўсеагульная задача — захаваць яе, абараніць ад пасягненняў крыважэрнага Захаду, ад яго каланіяльнай палітыкі, ад нечалавечай, нехрысціянскай, амаральнай ідэалогіі, яго маральнай дэградацыі.
Аднапалярны ўклад свету, устаноўленая пасля распаду СССР гегемонія ЗША перажываюць глыбокі крызіс. Свет будзе мяняцца. Але ж “гегемон” не хоча губляць сваю жандарскую дубінку. Ён, раз’юшаны, гатовы нішчыць сваіх канкурэнтаў, усіх непаслухмяных, хто не ўзяў яму пад казырок, не ліжа яго боты. Прэзідэнт агучыў тры факты, здабытыя нашай разведкай, аб тым, якія планы ў ворагаў па Беларусі. Генерал ЗША гатовы заняць стратэгічныя пункты на нашай тэрыторыі. Міністр абароны Польшчы прапануе адкрыць другі фронт — супраць Беларусі, каб расійскай арміі, што праводзіць СВА ва Украіне, давялося разгрупавацца. Нямецкі генерал, прадказваючы, што Беларусь можа ўступіць у вайну, раіць членам НАТА пачаць тайныя аперацыі супраць цэлей на нашай тэрыторыі. Яны нахабна, у адкрытую, агучваюць планы агрэсіі супраць Беларусі.
“Ніколі раней у гісторыі нашай краіны, асаб-ліва нашай незалежнай Беларусі, не стаяла так востра пытанне, як суверэнітэт і незалежнасць”, — падкрэсліў наш Прэзідэнт у пачатку свайго выступлення. Таму і тэма Паслання такая звыш актуальная: “Галоўныя ўмовы захавання суверэнітэту і незалежнасці”.
Аляксандр Рыгоравіч прывёў шэсць галоўных умоў. Іх у газеце, безумоўна, ужо называлі. Паўтару — лішнім не будзе. Гэта: народнае адзінства, гістарычная памяць і нашы нацыянальныя традыцыі, эканоміка, сацыяльная справядлівасць, незалежная знешняя палітыка і абараназдольнасць дзяржавы. Іх і трэба рэалізоўваць. Кожнаму на сваім рабочым месцы, у паўсядзённым жыцці. Каб не страціць Беларусь. Не страціць сябе.
