Нясвіжскія навіны Паважаныя жыхары Нясвіжчыны, прадстаўнікі каталіцкай канфесіі!
Сардэчна віншуем вас з Уваскрэсеннем Хрыстовым — святам надзеі і духоўнага адраджэння.
Веліччу і незвычайнай урачыстасцю адрозніваецца яно для ўсіх хрысціян і ўспрымаецца як галоўны сімвал вернасці маральнаму абавязку, заклікае захоўваць мір ва ўласнай душы, у асяроддзі родных і блізкіх, у сваёй краіне, любіць людзей, быць клапатлівымі. Прапаведуючы вечныя хрысціянскія каштоўнасці, каталіцкая царква ўносіць значны ўклад у захаванне і развіццё духоўнай і культурнай спадчыны, спрыяе дабрабыту і згодзе ў грамадстве.
Няхай гэтыя светлыя велікодныя дні даруюць усім вернікам Божую ласку, умацуюць у сэрцах людзей любоў і дабрыню, прынясуць у дамы здароўе і шчасце.
Нясвіжскі раённы
выканаўчы камітэт.
Нясвіжскі раённы
Савет дэпутатаў.
Умілаваныя ў Хрысце Пану Браты і Сёстры!
Дарагія несвіжане і жыхары раёна!
Як кожны год, Велікодныя святы напаўняюць радасцю нашыя сэрцы. Мы ўвесь час нанова перажываем найважнейшую праўду хрысціянскай веры: Хрыстос Уваскрос!
У Яго муках, пакутах і смерці на крыжы Бог аб’явіў нам таямніцу сваёй бяконцай любові да кожнага чалавека. Моц гэтай любові мы бачым ва Уваскрэсенні, калі Адзінародны Божы Сын перамагае смерць і адорвае нас паўнатой новага жыцця.
Ва ўрачыстасць Уваскрэсення Пана я жадаю ўсім вам, дарагія вернікі, глыбокай веры. Няхай яе святло дапамагае вам адкрываць сэнс усяго, што сустракаецца на вашым шляху, а таксама распазнаваць прысутнасць Уваскрослага Хрыста ў слове Добрай Навіны, у ласцы Божай і ў асобе іншага чалавека.
Няхай Езус Хрыстус адорвае вас сваімі шчодрымі дарамі і робіць здольнымі даваць сведчанне сваім штодзённым жыццём, дзелячыся з бліжнімі радасцю Евангелля.
Няхай Найсвяцейшая Маці выпрошвае для нас ласку вернага і адважнага імкнення за Уваскрослым Хрыстом па дарозе веры, надзеі і любові.
Жадаю ўсім бласлаўлёных, поўных радасці і спакою, апрамененых надзеяй свят Уваскрэсення Пана! Гэтыя пажаданні хачу пераказаць не толькі каталікам, але і іншым хрысціянам, якія зараз святкуюць Вербную Нядзелю, а праз тыдзень будуць святкаваць Хрыстова Уваскрэсенне.
Хрыстос Уваскрос! Сапраўды Уваскрос!
Ксёндз канонік Пётр ШАРКО,
пробашч Рымска-Каталіцкай парафіі Божага Цела ў Нясвіжы, дэкан Нясвіжскага дэканату.
