Нясвіжскія навіны Добры дзень, паважаныя чытачы!
Сёння мы рассказваем вам адзін з варыянтаў легенд, у гонар якіх была усталявана скульптура “Чорная Панна”.
Адрас: стары парк.
Адной з найбольш жудасных і знакамітых легенд Нясвіжа з’яўляецца сказ пра Чорную Панну. Яна адсылае нас у часы кіравання Мікалая Радзівіла. Яго стрыечная сястра Барбара выйшла замуж за спадчынніка польскага прыстола Жыгімонта Аўгуста. Гэтаму шлюбу многія пярэчылі, і неўзабаве пасля жаніцьбы і каранацыі Барбара раптоўна памерла.
Як мяркуецца, яе атруцілі.
Легенда абвяшчае, што перад смерцю дзяўчына сказала, быццам яе душа здабудзе супакой толькі калі муж яе будзе пахаваны каля яе. Аўгуст даў слова, што адправіцца ў Нясвіж, ледзь адчуе набліжэнне смерці. Аднак смерць раптам напаткала яго на чужыне.
На працягу 500 гадоў у замку ў Нясвіжы ходзяць чуткі, што дух Барбары ўсё яшчэ бадзяецца па каменных тунэлях.
Яна заўсёды паўстае ў жалобнай вопратцы, з-за чаго яе празвалі Чорнай Паннай. Цікава, што гэтая легенда аказала моцны ўплыў на традыцыі і культуру Нясвіжа, а таксама адлюстравалася на старонках ваеннай гісторыі. У 1940-х немцы, якія акружылі замак, некалькі разоў адкрывалі хаатычную стральбу па замку, бо “бачылі чорны цень”.
Сёння легенду пра чорную Панну распавядаюць падчас экскурсій па Нясвіжы, ставяць спектаклі па матывах легенды ў мясцовым цэнтры культуры. У Старым парку, які быў закладзены ў XVI стагоддзі і памятае жыццё беднай Барбары, усталяваная каменная скульптура жанчыны ў жалобным уборы. Пасля яе ўзнікнення з’явіліся новыя “байкі” пра тое, што па начах статуя ажывае.
