У Снове віталі герояў жніва

Сёння “Дажынкі-2022” адзначыў флагман сельскай гаспадаркі нашага раёна — СВК “Агракамбінат Сноў”. Герояў жніва віталі гаспадар свята, старшыня праўлення сельгаспрадпрыемства Мікалай Радаман, і пачэсныя госці: намеснік старшыні райвыканкама па сельскай гаспадарцы і харчаванні Таццяна Жук, старшыня райсавета дэпутатаў Валерый Лазюк, старшыня райкама прафсаюза работнікаў АПК Святлана Антончык.  Свята пачалося з уручэння традыцыйнай хлеб-солі шаноўным гасцям, а сімвалічны дажыначны сноп кіраўніку агракамбіната Мікалаю Радаману ўручыў галоўны аграном гаспадаркі Аляксандр Шаманаў.  Узнагароды раённага ўзроўню і самой гаспадаркі ў гэты дзень знайшлі сваіх герояў, а цудоўным мастацкім падарункам для ўсіх прысутных сталі выдатныя канцэртныя нумары, падрыхтаваныя артыстамі Сноўскага сельскага цэнтра культуры.  Падрабязнасці святкавання дажынак у Снове — у бліжэйшым нумары “НН”. Соф’я ЛЮБАНЕЦ.