Нясвіжскія навіны Дружна папрацавалі на збожжавай ніве хлебаробы
адкрытага акцыянернага таварыства “Лань-Нясвіж”.
12 камбайнаў — ударная сіла —
з дня ў дзень малацілі налітае калоссе.
За штурваламі — людзі вопытныя,
адданыя сваёй справе. Самаму старэйшаму па ўзросце —
Сяргею Мікалаевічу Чычко — у маі споўнілася 57.
Самаму маладому — Арцёму Карпачу —
у верасні будзе 27.
Менавіта дзякуючы Арцёму ў гаспадарку прыйшла добрая навіна жніва: ён першым сярод маладых камбайнераў раёна намалаціў першую тысячу тон збожжа. Было гэта 29 ліпеня. А 9 жніўня малады чалавек дабіўся новай перамогі — стаў двухтысячнікам. Якраз у той дзень камбайны жалі дапазна, амаль да 23 гадзін, як патлумачылі мне ў дыспетчарскай гаспадаркі. Убралі 140,7 гектара — гэта вельмі высокі паказчык. І Арцём тады выйшаў на свой новы рубеж. Добры запал спаборніцтва дапамагае ў такой важнай справе.
Высокія намалоты збожжа ў камбайнераў Сяргея Чычко-малодшага, Уладзіміра Шынгеля, Дзмітрыя Глебава, Віктара Драздова. На адвозцы яго з поля стараліся вадзіцелі Уладзімір Траян, Сяргей Кабальнікаў, Барыс Праўлоцкі, трактарысты Сяргей Пыл і Самвэл Лапцеў, іншыя работнікі.
На збожжавым таку ў Лані працавалі два сушыльныя комплексы, у т.л. новы ЗСК-40, які сёлета зманціравалі і ўключылі ва ўборачны канвеер.
Ураджайнасць збожжавых склала ў бягучым годзе 54,6 ц/га. Летась была 46,9 ц/га. На агульным фоне нядрэнна выглядае азімая пшаніца — 61,1 ц/га. Яшчэ лепей — азімы ячмень — 62,6 ц/га, таму плошчу пад яго ў бягучым годзе пад ураджай наступнага павялічаць. Валавы збор збожжа склаў на момант здачы нумара ў друк амаль 14 тысяч тон.
Адзін са складнікаў жніва — уборка азімага рапсу. Ён сёлета займаў у ААТ “Лань-Нясвіж” 405 га. З кожнага намалацілі па 45 ц. Летась было па 28,1 ц/га. Прыбаўка ў 16,9 ц/га — самая высокая ў раёне. Культура — высокарэнтабельная, у мінулым го- дзе рэнтабельнасць была 50,9 %. Разлічваюць, што і цяпер будзе не менш. Алейнае насенне пасля прасушкі гаспадарка прадае, мяняе на шрот і алей.
— Рапс пачыналі вырошчваць з 50 — 70 гектараў, — расказ-вае намеснік дырэктара Аляксандр Купрэвіч. — Ураджайнасць пачыналася з 12, 24, 32 ц/га. Сёлета — самая высокая. Пастараемся, каб і ў наступным го- дзе была не горш. Падрыхтавалі ўсё да сяўбы, зааралі глебу пасля папярэднікаў — збожжавых, унеслі мінеральныя ўгнаенні — фосфар і калій. З плугамі выйшлі ў поле механізатары Юрый Цвірка і Юрый Сайкевіч, мінералку рассявае Андрэй Мелкумян. Сам-вэл Лапцеў поўным ходам яго сее. Плануем адвесці пад азімы рапс ураджаю 2023 года ўжо 500 гектараў. Цяпер рыхтуем глебу пад сяўбу азімых збожжавых.
Жніво-2022 скончылася. Клопаты — пра новы ўраджай.
Тамара ПРАЛЬ-ГУЛЬ.
Фота Ірыны ЛУЧЫНОВІЧ.
