Нясвіжскія навіны Шпацыруючы па Нясвіжы або праязджаючы праз яго, вы, напэўна, бачылі, як мяняецца горад, рамантуюцца дарогі і з’яўляюцца новыя кветкавыя кампазіцыі. Так, напрыклад, па вуліцы Слуцкай абноўлены тратуар па абодва бакі ад праезнай часткі, а на правай (калі ехаць ад цэнтра горада) — з’явіліся прыгожыя лаўкі з навесамі. 
— Такія ж дзве лаўкі з’явяцца і на іншым баку, — распавёў дырэктар УП “Нясвіжская ЖКГ” Аляксандр Жук, пад чыім кіраўніцтвам праводзіцца ўладкаванне вуліцы. — Яны яшчэ вырабляюцца. Акрамя таго, зробім акуратныя спускі да вады, каб падчас прагулкі людзям было зручна спускацца на набярэжную і любавацца пейзажам.
Прапаную вам, паважаныя жыхары Нясвіжчыны, у вольны час знайсці хвілінку і асабіста ацаніць гэтыя маленькія прыемныя паляпшэнні.
Неаніла ЛЮБАНЕЦ.
Фота Ірыны ЛУЧЫНОВІЧ.
