У падарунак — караваі

Сёння ў Нясвіжскім раёне па добрай традыцыі прайшло ўручэнне зажыначнага караваю адной з сацыяльных устаноў — аддзяленню кругласутачнага знаходжання для грамадзян пажылога ўзросту і інвалідаў Нясвіжскага РТЦСАН. Свежыя караваі жырахарам і работнікам аддзялення перадалі намеснік старшыні райвыканкама — начальнік упраўлення па сельскай гаспадарцы і харчаванню райвыканкама Таццяна Жук і начальнік упраўлення па труду, занятасці і сацыяльнай абароне райвыканкама Таццяна Толсцік. У адказ на прыемны падарунак дырэктар тэрытарыяльнага цэнтра Андрэй Петручэня перадаў добрыя пажаданні хлебаробам Нясвіжчыны, пажадаўшы ім, каб гэта жніво прайшло хутка і з добрым ураджаем.