Нясвіжскія навіны У дзень, калі быў зроблены здымак, механізатар ААТ “Лань-Нясвіж” Уладзімір Даўгучыц займаўся падрыхтоўкай глебы пад сяўбу кукурузы на трактары МТЗ-3522 з культыватарам АКШ-7,2.
Зараз Уладзімір Уладзіміравіч заняты на падвозцы вады для запраўкі апрысквальнікаў пасеваў хімікатамі. У яго рабочым арсенале таксама сяўба збожжавых, грэчкі, падрыхтоўка глебы да сяўбы буракоў і розныя іншыя работы, з якімі ён спраўляецца паспяхова і добрасумленна.
Да гонару механізатара, нядаўна ён увайшоў у лік пераможцаў спаборніцтва на веснавой сяўбе сярод трактарыстаў-машыністаў, якое праводзіў РК прафсаюза работнікаў АПК. Уладзімір Даўгучыц стаў адным з лепшых на сяўбе збожжавых.
Неаніла ЛЮБАНЕЦ.
