Нясвіжскія навіны 
Гэтымі днямі механізатар ЗАТ “1 Мая” Іван Фурсенка дасейвае апошнія гектары кукурузы на МТЗ-2022 з сеялкай “Гаспарда”. Ён працуе ў гаспадарцы 14 гадоў. Убірае травы і кукурузу на кормаўборачным камбайне “Бікс-650”, уносіць угнаенні на трактары МТЗ-2022 з агрэгатам “Тарнада”, культывуе глебу на ім жа з культыватарам КПС-7, выконвае і іншыя работы.
Самы лепшы перыяд, на думку механізатара, — восень, калі прыходзіць час убіраць ураджай. Вельмі прыгожа тады на полі.
Галоўны аграном гаспадаркі Анатоль Міхлай характарызуе І.М. Фурсенку як адказнага работніка, які заўсёды добрасумленна выконвае даручаныя заданні.
Неаніла ЛЮБАНЕЦ.
