Нясвіжскія навіны На мінулым тыдні ў Сенніцы Мінскага раёна адбылася калегія галоўнага ўпраўлення ідэалагічнай работы, культуры і па справах моладзі Мінскага аблвыканкама. У яе рабоце прынялі ўдзел намеснік начальніка ўпраўлення ідэалогіі і інфармацыйнай палітыкі галоўнага ідэалагічнага ўпраўлення Адміністрацыі Прэзідэнта Рэспублікі Беларусь Аляксандр Ліпніцкі, міністр інфармацыі Рэспублікі Беларусь Аляксандр Карлюкевіч, намеснік старшыні Мінскага аблвыканкама Іван Маркевіч і іншыя.
— Мінулы год адзначаны многімі знакавымі падзеямі, — адкрываючы калегію, пад-крэсліў начальнік галоўнага ўпраўлення ідэалагічнай работы, культуры і па справах моладзі Мінскага аблвыканкама Аляксандр Ільясевіч. — Гэта выбары дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання, 75-годдзе вызвалення Беларусі ад нямецка-фашысцкіх захопнікаў, 25-годдзе Канстытуцыі Рэспублікі Беларусь і інстытута прэзідэнцтва, правядзенне II Еўрапейскіх гульняў, Года малой радзімы. Таму наша праца была накіравана на прыцягненне насельніцтва да актыўнай сацыяльна-эканамічнай дзейнасці з улікам асноўных дзяржаўных мерапрыемстваў.
Прэзідыум пасяджэння
Таксама Аляксандр Ільясевіч зазначыў, што сёння ў ідэалагічнай вертыкалі Мінскай вобласці працуе больш за 1800 чалавек, і пазначыў прыярытэтныя напрамкі работы ў 2020 годзе. Сярод іх пашырэнне інтэрнэт-аўдыторыі СМІ, рашэнне пытанняў кадравай забяспечанасці, аказанне ўсебаковай дапамогі таленавітым дзецям і моладзі, выяўленне і падтрымка значных моладзевых ініцыятыў.
Таксама начальнік галоўнага ўпраўлення звярнуў увагу на важнасць вывучэння меркавання аўдыторыі аб выніковасці інфармацыйна-растлумачальнай працы.
Намеснік начальніка ўпраўлення ідэалогіі і інфармацыйнай палітыкі галоўнага ідэалагічнага ўпраўлення Адміністрацыі Прэзідэнта Рэспублікі Беларусь Аляксандр Ліпніцкі нацэліў на працу ў інфармацыйным полі з кожным чалавекам, бо далёка не ўсе здольныя разабрацца ў велізарным патоку інфармацыі. Ён заклікаў больш актыўна задзейнічаць патэнцыял грамадскіх арганізацый і інфармацыйных груп, каб палепшыць якасць жыцця людзей, арыентавацца на прынцыпы справядлівасці і добрасумленнага стаўлення да кожнага чалавека.
Міністр інфармацыі Рэспублікі Беларусь Аляксандр Карлюкевіч і намеснік старшыні Мінскага аблвыканкама Іван Маркевіч
Міністр інфармацыі Рэспублікі Беларусь Аляксандр Карлюкевіч адзначыў, што ў сучасным свеце неабходна старанна падыходзіць да выбару крыніц інфармацыі.
— Каб не згубіцца ў вялікай інфармацыйнай прасторы, у першую чаргу неабходна старанна выбіраць крыніцы і інфармрэсурсы. Як адзначыў Прэзідэнт на апошняй сустрэчы з кіраўнікамі вядучых сродкаў масавай інфармацыі Беларусі, парадак дня фарміруюць не ўсе СМІ. І справа не ў колькасці інфармацыйных патокаў і паведамленняў, якія яны публікуюць або перадаюць, а ў якасным, своечасовым і пэўным выкла-дзе фактаў. Сумесная праца ідэ-олагаў і сродкаў масавай інфармацыі павінна быць накіравана на аб’ектыўнае асвятленне жыцця краіны, — сказаў ён.
Намеснік старшыні Мінскага аблвыканкама Іван Маркевіч уручае Падзяку старшыні Мінскага аблвыканкама адказнаму сакратару рэдакцыі газеты “Нясвіжскія навіны” Іне Васілевіч за добрасумленную працу, прафесіяналізм, асабісты ўклад у сацыяльна-культурнае развіццё Мінскай вобласці
Па словах намесніка старшыні аблвыканкама Івана Маркевіча, СМІ ў сваім развіцці прасунуліся наперад. Аднак трэба яшчэ больш увагі надаваць праблемам і патрэбам людзей, пісаць матэрыялы на хвалюючыя грамад-скасць тэмы. Таксама Іван Маркевіч пазначыў галоўную задачу ідэолагаў: быць сярод людзей, адчуваць іх настрой, ведаць праблемы і дапамагаць.
Немалаважную значнасць маюць інфармацыйна-прапагандысцкія групы. «Яны павінны ісці перш за ўсё ў тыя калектывы, дзе ёсць праблемы», — падкрэсліў Іван Маркевіч.
Падчас правядзення калегіі
Яркім момантам мерапрыемства стала цырымонія ўзнагароджання прадстаўнікоў ідэалагічнай вертыкалі, устаноў культуры, прадпрыемстваў, супрацоўнікаў СМІ, якія паказалі высокія вынікі ў працы ў 2019 годзе.
“НН”.
