Нясвіжскія навіны Прэзідэнт Беларусі Аляксандр Лукашэнка разлічвае на дамоўленасці з “Раснафтай” аб далейшым супрацоўніцтве. Аб гэтым ён заявіў на сустрэчы з галоўным выканаўчым дырэктарам, старшынёй праўлення ПАТ “НК “Раснафта” Ігарам Сечыным.
“Раснафта” — лідар расійскай нафтавай галіны і буйнейшая публічная нафтагазавая карпарацыя свету.
Як паведамлялася, кантракты на пастаўку ў Беларусь ра-сійскай нафты завяршыліся 31 снежня 2019 года. З таго часу бакі вядуць перагаворы аб іх працягу. З 4 студзеня пастаўкі сыравіны ў краіну аднавілі падкантрольныя расійскаму бізнесмену Міхаілу Гуцарыеву кампаніі “РусНафта” і “Нефціса”. Акрамя таго, першая партыя нарвежскай нафты паступіла 26 студзеня на НПЗ “Нафтан”.
7 лютага прайшлі чарговыя перагаворы з удзелам прэзідэнтаў Беларусі і Расіі, па выніках якіх было заяўлена, што Мінск і Масква прадоўжаць абмяркоў-ваць пастаўкі нафты выключна на камерцыйных умовах.
Напярэдадні таксама стала вядома, што НК “Янгпур” (даччыная кампанія ВА “Беларуснафта”), якая вядзе здабычу нафты ў Ямала-Ненецкай аўтаномнай акрузе, плануе пастаўляць нафту ў Беларусь. Пры гэтым аб’ёмы, а таксама графікі паставак у “Белнафтахіме” пакуль не каменціравалі.
Як паведамляла БелТА, 12 лютага са спасылкай на ТАСС, розныя схемы паставак нафты гатова абмяркоўваць з Беларуссю “Газпрам нафта”. Аб гэтым журналістам паведаміў кіраўнік расійскай кампаніі Аляксандр Дзюкаў па выніках сустрэчы прадстаўнікоў нафтавых кампаній з міністрам энергетыкі Расіі Аляксандрам Новакам. Ён адзначыў, што кампанія гатова абмеркаваць і давальніцкую схему паставак.
БелТА.
