Нясвіжскія навіны На базе Нясвіжскага філіяла (племпрадпрыемства) РУСП “Мінскае племпрадпрыемства” прайшоў 29 раённы конкурс-атэстацыя аператараў па штучным асемяненні буйной рагатай жывёлы. Свае веды і майстэрства падчас конкурсу прадэманстравалі 40 тэхнікаў-асемянатараў — прадстаўнікі ўсіх гаспадарак Нясвіжчыны.
Па словах дырэктара райплемстанцыі Раісы Гурынай, у нашым раёне гэты конкурс праводзіцца раз у два гады і ўжо стаў традыцыйным.
— Мы арганізоўваем яго з мэтай папулярызацыі прафесіі тэхніка-асемянатара, без якой у сучаснай жывёлагадоўлі не абысціся. Здаровая канкурэнцыя, узровень падрыхтоўкі, а таксама штодзённая карпатлівая праца — з гэтых і многіх іншых паказчыкаў складваецца поспех у любой прафесійнай дзейнасці. А для жывёлаводаў гэтыя ўмовы асабліва актуальныя. Сёння ў 13 гаспадарках раёна працуюць 44 тэхнікі-асемянатары, з якіх 21 жанчына. Самаму маладому спецыялісту 23 гады, старэйшаму — 64. Як бачым, ёсць каму вучыцца, і ёсць у каго вучыцца, — адзначыла Раіса Леа-нідаўна.
Пераможца спаборніцтва Павел Горбач (ЗАТ “1 Мая”) сакрэт свайго поспеху бачыць у тым,
што стаж яго працы складае ўжо дзесяць гадоў. Практыкі ў яго хапае, і тэорыю таксама ведае
добра. Дый у падобных конкурсах удзельнічае
не ўпершыню. На фота — з тэхнікам па штучным асемяненні жывёл гэтай гаспадаркі Інай Цярохінай
Майстэрства ўдзельнікаў ацэньвалі кампетэнтная судзей-ская камісія і журы — прадстаўнікі райплемстанцыі і райсельгасхарчу, а таксама прызёр і пераможца рэспубліканскага і раённага конкурсаў тэхнікаў-асемянатараў у мінулым годзе В.В. Філатава і К.М. Пяцігор.
На першым этапе канкурсанты адказвалі на пытанні білетаў. У практычнай частцы правяраліся веды па пытаннях правільнай арганізацыі працоўнага месца, падрыхтоўкі інструментаў, адтавання і вызначэння якасці семя пад мікраскопам, а таксама вядзенне журналаў ацёлаў і асемяненняў жывёл. Удзельнікам конкурсу-атэстацыі задавалі ўдакладняючыя пытанні і каменціравалі дапушчаныя памылкі. Таму ўдзел у спаборніцтвах такога рангу патрабуе пастаяннага абнаўлення тэарэтычных ведаў, удасканалення навыкаў, а зносіны з лепшымі спецыялістамі даюць унікальную магчымасць абмяняцца вопытам і пераняць перадавыя прыёмы працы майстроў сваёй справы. Гэта вельмі важна для тых, хто робіць першыя крокі ў прафесіі. Пры падвядзенні вынікаў конкурсу таксама ўлічваліся вынікі працы за мінулы год, у ведамасці быў паказаны выхад цялят на 100 кароў. Вось і атрымліваецца, што асноўная практычная частка конкурсу доўжыцца цэлы каляндарны год і яе тэхнікі-асемянатары праходзяць кожны на сваёй ферме.
Першы намеснік старшыні райвыканкама —
начальнік упраўлення па сельскай гаспадарцы
і харчаванні Віктар Худніцкі віншуе Сяргея Лукашэвіча
з ААТ “Гарадзея”
Ганна Савеня
з ААТ “Нясвіжскія Астроўкі”
на конкурсе заняла ганаровае другое месца
Анастасія Марціноўская з ААТ “Юшавічы” перамагла сярод маладых аператараў
па штучным асемяненні жывёл
Як адзначалі члены судзейскай камісіі, пераможцаў конкурсу вызначыць было няпроста. Большасць удзельнікаў пацвердзіла даволі трывалыя веды ў сваёй прафесіі, набраўшы высокія балы. І лепшым аператарам па штучным асемяненні буйной рагатай жывёлы быў прызнаны Павел Горбач з ЗАТ “1 Мая”, другое месца заняла Ганна Савеня з ААТ “Нясвіжскія Астроўкі”, трэцім стаў Сяргей Лукашэвіч з ААТ “Гарадзея”.
Лепшымі маладымі аператарамі па штучным асемяненні жывёл са стажам працы да трох гадоў сталі Анастасія Марціноў-ская (ААТ “Юшавічы”) і Андрэй Закудоўскі (ЗАТ “1 Мая”).
У намінацыі “Настаўнікі 2017 года” перамогу атрымала Валянціна Філатава (ААТ “17 Верасня”), у намінацыі “Ветэраны працы” былі адзначаны Уладзімір Гуляка (ААТ “Грыцкевічы”), Канстанцін Пяцігор (ААТ “Сейлавічы”) і Ева Сянкевіч (ААТ “Нясвіжскі райаграсэрвіс”), якія ў сельскай гаспадарцы працуюць ужо звыш 30 гадоў.
Ад імя раённага выканаўчага камітэта павіншаваў тэхнікаў-асемянатараў з паспяховай здачай экзамену на прафмайстэрства першы намеснік старшыні райвыканкама — начальнік упраўлення па сельскай гаспадарцы і харчаванні Віктар Худніцкі.
Практычную частку конкурсу камісіі здае
Андрэй Закудоўскі (ЗАТ “1 Мая”)
Упершыню прымаюць удзел у раённым конкурсе профмайстэрства тэхнікі па штучным
асемяненні жывёл Аляксандр Лабажэвіч
(ААТ “Новае жыццё”) і Аляксандр Андросік
(СВК “Агракамбінат Сноў”)
Падчас
конкурсу-атэстацыі
Тэхнікі па штучным асемяненні жывёл
ААТ “17 Верасня” Аксана Залеская
і Святлана Фянько
— У многім дзякуючы вашаму прафесіяналізму і дакладнаму выкананню абавязкаў Нясвіжскі раён па паказчыках у жывёлагадоўлі знаходзіцца на першых пазіцыях у рэспубліцы. А такія конкурсы з’яўляюцца выдатнымі форумамі для калегіяльных зносін, абмеркавання праблем і пошуку правільнага рашэння, аператыўнага знаёмства з новымі напрамкамі ў працы, — падкрэсліў Віктар Уладзіміравіч.
Пераможцам і прызёрам конкурсу-атэстацыі былі ўручаны Дыпломы і грашовыя прэміі ад Нясвіж-скага райвыканкама. Дарэчы, без падарункаў не застаўся ніводны з канкурсантаў: іх уручыў старшыня раённага камітэта прафсаюза работнікаў АПК Іван Кендыш.
Аксана ГРОХ.
