Нясвіжскія навіны У мінулы чацвер у раённым цэнтры культуры прайшло ўрачыстае мерапрыемства, прысвечанае прафесійнаму святу работнікаў сельскай гаспадаркі і перапрацоўчай прамысловасці агра-прамысловага комплексу. Шматлікімі ўзнагародамі на ім былі адзначаны тыя, хто нястомна працуе на роднай зямлі, забяспечваючы наш агульны дабрабыт і паспяховыя эканамічныя паказчыкі раёна, які з году ў год пацвярджае славу аднаго з самых развітых у аграрным плане не толькі ў вобласці, але і ў рэспубліцы.
Пераможцамі раённага спаборніцтва за дасягненне высокіх паказчыкаў на ўборцы цукровых буракоў у 2017 годзе сярод сельскагаспадарчых і іншых арганізацый, якія забяспечылі найвышэйшыя паказчыкі тэмпаў росту валавога збору
цукровых буракоў да сярэдняга ўзроўню папярэдніх трох гадоў з улікам вытворчасці цукровых буракоў на 1 бала-гектар пасяўной плошчы сярод сельскагаспадарчых арганізацый
1 групы сталі СВК “Агракамбінат Сноў” (старшыня праўлення Мікалай Радаман), ААТ “Грыцкевічы”
(дырэктар Яўген Здановіч), ААТ “Новае жыццё”
(дырэктар Андрэй Ратомскі)
Момант святочнага канцэрта: на сцэне — квартэт Кацярыны Крыкала, Таццяны Мароз, Валерыі Аніфер і Веранікі Каланчук з віртуёзным сола на акардыёне Аляксея Андросіка
Факты, што пацвярджаюць гэта, прагучалі ў выступленні старшыні райвыканкама Івана Крупко, праілюстраваным яскравымі слайдамі. У сваім дакладзе ён абазначыў асноўныя дасягненні працаўнікоў сельскай гаспадаркі і перапрацоўчай прамысловасці раёна, пажадаў ім моцнага здароўя, бадзёрасці, дабрабыту і нязменнай любові да справы, якой яны прысвяцілі жыццё.
Соф’я ЛЮБАНЕЦ.
Фота Наталлі ЕРМАШЭНКА.
(Заканчэнне — у наступным нумары).
