Нясвіжскія навіны Віктар Міхайлавіч Майсеня — трактарыст-машыніст ААТ “17 Верасня”. Ён — мясцовы. Нарадзіўся і вырас на ліпскай зямлі. Скончыўшы восем класаў, паступіў вучыцца ў Клецкае СПТВ-36, далей была служба ў арміі. Пасля на працягу дзевяці гадоў працаваў у сельгасхіміі. А ў 1992-м прыйшоў у калгас. І вось ужо чвэрць стагоддзя стараецца на карысць роднай зямлі.
У тым жа, 92-м, годзе ажаніўся. Жонка — Наталля Георгіеўна — сацыяльны работнік у Нясвіжскім раённым тэрытарыяльным цэнтры сацыяльнага абслугоўвання насельніцтва. Пабудавалі ў Вялікай Ліпе дом, выхавалі дастойнымі людзьмі дзвюх дачок і сына, далі добрую адукацыю.
— Лепшы метад выхавання — гэта ўласны прыклад, — лічыць Віктар Міхайлавіч.
Старэйшая дачка скончыла Міжнародны ўніверсітэт “МИТСО”, атрымала спецыяльнасць эканаміста-маркетолага. Сярэдняя заканч-вае Баранавіцкі дзяржаўны ўніверсітэт, яна будзе настаўніцай замежнай мовы. Сын у адзінаццатым класе. У Віктара Міхайлавіча і Наталлі Георгіеўны падрастае маленькая ўнучачка.
трымаюць яны гаспадарку: каня, карову, свіней, авечак, качак.
А праз некалькі тыдняў Майсені адзначаць сярэбранае вяселле.
Як адзначыла старшыня прафкама гаспадаркі Вольга Уладзіміраўна Малец, Віктар Міхайлавіч — адкрыты, добрасумленны работнік, з сур’ёзным стаўленнем да справы. За што і атрымаў на раённым свяце дажынак Падзяку старшыні Нясвіжскага райвыканкама.
Вольга КАНДРУКЕВІЧ.
Фота Наталлі ЕРМАШЭНКА.
