Нясвіжскія навіны 
Па стане на 19 кастрычніка, згодна з аператыўнай інфармацыяй райсельгасхарчу, у раёне цукровыя буракі выкапаны на 3842 гектарах (71 %). Дзякуючы добраму надвор’ю, павялічылася дзённая прыбаўка. За 18 кастрычніка вызвалена ад карэння 122 га. Пасля ААТ “Гарадзея”, якое завяршыла ўборку, бліжэй да фінішу ідуць ЗАТ “1 Мая” (87 %), доследная навуковая станцыя па цукровых бураках (76 %), ААТ “Лань-Нясвіж” (75 %). Дзённая выпрацоўка самая высокая ў СВК “Агракамбінат Сноў” (26 га).
Сярэдні выхад салодкага кораня з гектара — 557,3 ц. У “Снове” — 750 ц/га, у ААТ “Новае жыццё” — 676 ц/га.
Валавы збор буракоў склаў 214121,6 тоны. На Гарадзейскі цукровы камбінат гаспадаркі раёна здалі 178752,9 т у фізічнай вазе.
