Нясвіжскія навіны Цукровыя буракі ў раёне, згодна з аператыўнай інфармацыяй райсельгасхарчу, па стане на 21 верасня выкапаны на плошчы 1633 гектары (30 % ад неабходнага). У т.л. 44 % плошчы ўбралі механізатары ААТ “Гарадзея”, 39 % — ААТ “Новае жыццё”, па 35 % — ААТ “17 Верасня” і ЗАТ “Агракамбінат Нясвіжскі”, 34 % — ЗАТ “1 Мая”.
З кожнага гектара атрымана ў сярэднім па 510,2 цэнтнера салодкага кораня. Больш высокая ўраджайнасць у СВК “Агракам-бінат Сноў” (631 ц/га), ААТ “Новае жыццё” (596 ц/га), ААТ “Сейла-вічы” (581 ц/га).
На Гарадзейскі цукровы камбінат па стане на раніцу 21 верасня адпраўлена 80825,8 тоны буракоў.
На Гарадзейскім буракапрыёмным пункце
Аператары пульта кіравання кантрольна-прапускнога пункта Гарадзейскага
буракапрыёмніка Марына Магільніцкая
і Алена Пастухова заносяць
у камп’ютар інфармацыю аб кожнай
аўтамашыне, якая разгрузілася
і паўторна ўзважваецца
На Гарадзейскім цукровым камбінаце прыём і перапрацоўка сыравіны ідзе поўным ходам.
Як расказаў намеснік дырэктара прадпрыемства па сыравіне Ігар Абрамовіч, у 2017 годзе чакаецца нарыхтоўка цукровых буракоў у аб’ёме 1 300 000 тон або ў сярэднім каля 50 тон з гектара.
— Перапрацоўка цукровых буракоў на камбінаце пачалася 30 жніўня. Па стане на 21 верасня іх нарыхтавана 218 тысяч тон. У сыравіннай зоне камбіната — 13 раёнаў, буракі займаюць у іх каля 27,5 тысячы гектараў. З самага далёкага, Горацкага, яны паступаюць чыгункай, з бліжэйшых — аўта-транспартам, — гаворыць Ігар Канстанцінавіч. — Штосутачна ў верасні камбінат прымае да 12 тысяч тон салодкага кораня, перапрацоўвае — 10 тысяч. На сённяшні дзень да ўборкі прыступілі ўсе буракасеючыя гаспадаркі. Усяго ў зоне Гарадзей-скага цукровага камбіната ў гэтым працэсе задзейнічана каля 30 буракаўборачных камбайнаў і 14 буракапагрузчыкаў. На адвозцы занята больш за 300 адзі-нак тэхнікі. У цэлым па камбінаце выгрузку забяспечвае 17 буртаўкладачных машын. Прыёмка сыравіны ажыццяўляецца з 7.30 да 19.30. На Гарадзейскім буракапрыёмным пункце працуюць 60 чалавек.
Добрасумленна выконвае свае абавязкі кантралёр візуальнага вызначэння якасці Юрый Радзюк. Ён працуе на кантрольна-прапускным пункце, куды адна за адной пад’язджаюць гружаныя машыны. У яго абавязках —прыём накладных, правядзенне візуальнага агляду буракоў і вызначэнне іх якасці
Выдатна працуе машыніст БУМа аднаго з экіпажаў Сяргей Буян. На бурта- ўкладачнай машыне фірмы «Грым» ён ужо другі сезон. За змену разам са сваім напарнікам укладвае з яе дапамогай ад 1000 да 1500 тон салодкага кораня
З году ў год камбінат нарошчвае тэхналагічныя магутнасці і павялічвае паказчыкі перапрацоўкі буракоў — асноўнай сыравіны для выпуску белага цукру.
Як адзначыў Ігар Канстанцінавіч, прыём і перапрацоўка сыравіны — працэс вельмі адказны, патрабуе высокай дысцыпліны, вытрымлівання зада-дзеных параметраў і рытмічнай працы. Работнікам прадпрыемства не прыходзіцца лішні раз тлумачыць, што поспеху можна дасягнуць толькі шляхам зла-джаных і аператыўных дзеянняў — усе яны тут працуюць як адзіны механізм.
Наталля ЕРМАШЭНКА.
