Нясвіжскія навіны У суботу ў СВК “Агракамбінат Сноў” адбылося ўрачыстае адкрыццё новых аб’ектаў сацыяльнага прызначэння: кафэ “Сноўскі маёнтак”, гасцініцы і ўніверсама “Сноў”.
Пераразаючы сімвалічную чырвоную стужачку, старшыня раённага выканаўчага камітэта Іван Крупко зазначыў, што адначасовае адкрыццё некалькіх сацыяльна значных аб’ектаў СВК “Агракамбінат Сноў” — гэта не толькі паляпшэнне гандлёвага і культурнага абслугоўвання жыхароў аграгарадка і раёна, але і сведчанне таго, што агракамбінат, нягледзячы на складаныя ўмовы дзейнасці, працуе ў стабільным рэжыме, штогод нарошчвае аб’ёмы вытворчасці, асвойваючы ўсё новыя і новыя віды дзейнасці.
На ўрачыстым адкрыцці ўніверсама “Сноў” сімвалічную чырвоную стужку перарэзваюць Член Савета Рэспублікі Нацыянальнага сходу Рэспублікі Беларусь, старшыня СВК «Агракамбінат Сноў» Мікалай Радаман, дырэктар універсама Вікторыя Тамашэўская і старшыня раённага выканаўчага камітэта Іван Крупко
Падчас адкрыцця “Сноўскага маёнтка” выступае прараб
аб’екта Алег Малуноў
Член Савета Рэспублікі Нацыянальнага сходу Рэспублікі Беларусь старшыня СВК «Агракамбінат Сноў» Мікалай Радаман знаёміць наведвальнікаў з новым культурна-забаўляльным цэнтрам
Тавары прапануе прадавец Юлія Бірыла
На здымку: на ўрачыстым адкрыцці ўніверсама “Сноў” сімва-лічную чырвоную стужку перарэзваюць Член Савета Рэспублікі Нацыянальнага сходу Рэспублікі Беларусь, старшыня СВК «Агракамбінат Сноў» Мікалай Радаман, дырэктар універсама Вікторыя Тамашэўская і старшыня раённага выканаўчага камітэта Іван Крупко.
Член Савета Рэспублікі Нацыя-нальнага сходу Рэспублікі Беларусь, старшыня СВК «Агракам-бінат Сноў» Мікалай Радаман у сваю чаргу падзякаваў за садзейнічанне ўсім, хто дапамог у рэалі-зацыі праекта, і асабіста Алегу Малунову і Вячаславу Грабёнку, дзякуючы якім ўдалося адкрыць аб’екты ў самыя кароткія тэрміны. Ён падкрэсліў, што ўсе рэканструктаваныя аб’екты адноўлены на карысць усіх працаўнікоў агракамбіната і жыхароў Снова.
Кафэ і гасцініца сталі новымі складнікамі культурна-забаўляльнага комплексу, які атрымаў прапіску ў цэнтры аграгарадка Сноў у будынку былога вучэбна-вытворчага камбіната. Рэканструкцыя апошняга вялася гаспадарчым спосабам. Першая чарга, у якую ўвайшлі спартыўная зала і більярдная, была ўведзена ў строй раней. Снаўчане з задавальненнем іх наведваюць, займаюцца фізкультурай, бавяць вольны час.
Знешні выгляд будынка
Падчас адкрыцця кропкі гандлю
Інтэр’ер гасцініцы
Новы магазін адразу выклікаў цікавасць пакупнікоў
Першыя наведвальнікі гандлевага зала ўніверсама
Цяпер культурна-забаўляльны цэнтр набыў свой закончаны выгляд і прымае новых наведвальнікаў. Кафэ размясцілася на першым паверсе. Яно разлічана на 80 пасадачных месцаў. Ужо прымаюцца заказы на правядзенне юбілейных урачыстасцей, вяселляў і іншых мерапрыемстваў.
Гасцініца знаходзіцца на другім паверсе. Яна мае чатыры двухмесныя і чатыры аднамесныя нумары. Без сумненняў, гасцям Сноўшчыны яны прыйдуцца даспадобы.
Тут жа, на цэнтральнай вуліцы Леніна, адкрыўся і ўніверсам сельгаспрадпрыемства. Яго будынак — былы ўнівермаг рай-спажыўтаварыства, які агракамбі-нат выкупіў. Пасля рамонту тут устаноўлена новае абсталяванне. На першым паверсе можна набыць прадукты, на другім — прамысловыя тавары.
Дзмітрый ЯШЧАНКА.
