Нясвіжскія навіны 
Двухбаковыя адносіны сталі адной з тэм дыялогу. Да таго ж, госці са Злучаных Штатаў адзначылі ролю Мінска ва ўрэгуляванні крызісу на ўсходзе Украіны. А таксама падтрымалі ініцыятывы, агучаныя на пляцоўцы 26-й сесіі Парламенцкай асамблеі АБСЕ.
Падчас сустрэчы Прэзідэнт Беларусі Аляксандр Лукашэнка выказаў думку, што візіт такой прадстаўнічай дэлегацыі з ЗША (усяго ў Мінск прыехалі 35 чалавек, у тым ліку 11 членаў Палаты прадстаўнікоў Кангрэса) дазволіць шчыра абмеркаваць надзённыя пытанні ўзаемаадносін. Да таго ж, некаторыя з членаў Кангрэса даволі працяглы час разглядаюць тэму ліквідацыі наступстваў аварыі на Чарнобыльскай АЭС, таму Прэзідэнт прапанаваў наведаць раёны, якія пацярпелі ад катастрофы.
БелТА.
