Нясвіжскія навіны Выйшаўшы на фінішную прамую жніва-2019, убраўшы звыш 90 % збожжавых і зернебабовых, хлебаробы Нясвіжчыны накіравалі частку камбайнаў і аўтамашын на дапамогу Чэрвеньскаму раёну. Учора раніцай калона нашай тэхнікі з дзевяці камбайнаў і трох аўтамашын рушыла ў дарогу.
На месцы яе збору — на мяжы раёна — цёплыя словы ў добры шлях, пажаданні высокапрадукцыйнай працы ўдзельнікам жніва выказаў першы намеснік старшыні Нясвіжскага райвыканкама, начальнік упраўлення сельскай гаспадаркі і харчавання Віктар Худніцкі. Інструктаж па тэхніцы бяспекі правёў старшы інспектар ДПС аддзялення ДАІ Нясвіжскага РАУС маёр міліцыі Іван Жыбурт.
У добры шлях!
Словы ў добры шлях камбайнерам і вадзіцелям гаворыць першы намеснік старшыні райвыканкама Віктар Худніцкі
Інструктаж праводзіць старшы інспектар ДПС аддзялення ДАІ Нясвіжскага РАУС маёр міліцыі Іван Жыбурт
На дапамогу калегам у Чэрвеньскі раён паехалі камбайнеры ААТ “Нясвіжскія Астроўкі”, “17 Верасня”, “Грыцкевічы”, “Новае жыццё”, “Юшавічы”, “Гарадзея”, ЗАТ “1 Мая”, “Агракамбінат Нясвіжскі”, ДП “ЭБ “Свеклавічная”; вадзіцелі ААТ “17 Верасня”, “Грыцкевічы”, “Новае жыццё”. Іх праца спатрэбілася ў ААТ “10 З’езд Саветаў”.
Згодна з распараджэннем старшыні Мінскага абласнога выканаўчага камітэта, сёлета ў Барысаўскі, Чэрвеньскі, Смалявіцкі, Валожынскі і Крупскі раёны камандзіраваны памочнікі з Нясвіжскага, Стаўбцоўскага, Слуцкага, Клецкага, Бярэзінскага і Старадарожскага раёнаў.
Клопат пра хлебны каравай — справа агульная.
Тамара ПРАЛЬ-ГУЛЬ.
Фота Дзмітрыя ЯШЧАНКІ.
