Нясвіжскія навіны Аб гэтым паведаміў Прэм’ер-міністр Сяргей Румас на пасяджэнні Савета Міністраў, дзе абмеркавалі праекты прагнозу сацыяльна-экана-мічнага развіцця, асноўных напрамкаў грашова-крэдытнай палітыкі і бюджэту на 2019 год.
Кіраўнік урада даручыў акцэнтаваць увагу на асноўных напрамках расходаў бюджэту з улікам патрабаванняў Кіраўніка дзяржавы. Маецца на ўвазе 10-працэнтнае скарачэнне расходаў на дзяржпадтрымку рэальнага сектара з прапарцыянальным павелічэннем фінансавання сацыяльнай сферы. «Урад на 2019 год устанавіў для сябе мэтавую задачу дабіцца ўзроўню зарплаты ў бюджэтнай сферы не менш як 80 працэнтаў да сярэдняй заработнай платы па краіне. Памер пенсіі па ўзросце павінен быць не ніжэйшы за 40 працэнтаў сярэдняй заработнай платы», — адзначыў Сяргей Румас. У Міністэрства фінансаў ёсць даручэнне прааналізаваць, што адбываецца ў бюджэтнай сферы. «Не выключаю, што разам будзем займацца аптымізацыяй колькасці», — дадаў Прэм’ер-міністр.
«Крытэрыем ацэнкі эфектыўнасці старшынь гар- і райвыканкамаў з’яўляецца стварэнне новых рабочых месцаў», — пад-крэсліў Прэм’ер-міністр. Ён папрасіў губернатараў арганізаваць работу з кіраўніцтвам выканкамаў на гэтым узроўні, як таго і патрабуюць пэўныя дакументы.
Акрамя таго, кіраўнік Савета Міністраў звярнуў увагу, што прынцыповае патрабаванне па збалансаванасці рэспубліканскага бюджэту захоўваецца. Расходы не павінны перавышаць даходаў.
blr.belta.by.
